ستراتەگيا جوباسى تالقىلاندى

كەشە اقوردادا مەملەكەت باسشىسى نۇرسۇلتان نازارباەۆ قازاقستان رەسپۋبلي­كا­سى قاۋىپسىزدىك كەڭەسىنىڭ وتى­رىسىن وتكىزدى. وتى­رىس­تا ۇكىمەت تاراپىنان ءازىر­لەن­گەن ۇلتتىق قاۋىپ­سىز­دىك­تىڭ 2012-2016 جىلدارعا ار­نالعان ستراتەگياسىنىڭ جو­باسى تالقىلاندى. قازاقستان پرەزيدەنتى ءوز ءسو­زىندە وسى ستراتەگيالىق قۇجات­تىڭ اياسىندا بەيبىتشىلىك پەن كەلىسىمدى ساقتاۋعا, قازاق­ستان­دىق قو­عامدى تۇراقتى جانە ور­نىقتى دامىتۋعا, مەملەكەت پەن ەكو­نو­ميكانى ودان ءارى نى­عاي­تۋعا, سون­داي-اق قازاقستاننىڭ قاۋىپسىز­دى­گىنە تونەتىن قاۋىپ-قا­تەرلەردى بەي­تاراپتاندىرۋعا ءمۇم­كىندىك بەرەتىن, ورتا مەرزىمدى كەزەڭگە ەسەپتەلگەن كەشەندى شارالار قابىل­داۋدىڭ ماڭىزىن اتاپ ءوتتى. جوبانى تالقىلاۋ بارىسىندا پرەزيدەنت ورىن العان جانە بول­جانعان قاۋىپ-قاتەرلەرگە قارسى ءىس-قيمىلدىڭ ناقتى تەتىكتەرىنە قاتىستى بىرقاتار ەلەۋلى ەسكەرتۋلەر مەن ۇسىنىستار ەنگىزدى. سو­نى­مەن قاتار, وتىرىسقا قاتىسۋ­شى­لار 2010 جىلى قابىلدانعان «سىرتقى بارلاۋ تۋرالى» زاڭدى ءىس جۇزىنە اسىرۋ ماسەلەسىن قارا­دى. قازاقستاننىڭ ۇلتتىق قاۋىپ­سىز­دىگىن قامتاماسىز ەتۋ, سىرتقى تەررورلىق جانە ەكسترەميستىك قاۋىپتەردى دەر كەزىندە تابۋ, ودان ساقتاپ قالۋ ءۇشىن بارلاۋ ور­گان­دارى قىزمەتىنىڭ ماڭىزدىلىعى اتاپ ءوتىلدى. نۇرسۇلتان نازارباەۆ ەلى­مىز­دىڭ بارلاۋ ورگاندارىنىڭ جۇمى­سى­نا باعا بەرىپ, ورىن العان پروب­لەمانى اتاپ كورسەتتى جانە ولاردىڭ قىزمەتىن جەتىلدىرۋ, سو­نىڭ ىشىندە قازاقستان باسشى­لى­عىن جەدەل جانە ساپالى اقپا­رات­تاندىرۋ ماسەلەلەرى جونىندەگى نە­گىزگى باعىتىن انىقتاپ بەردى. تالقىلاۋدىڭ قورىتىندىسى بوي­ىن­شا مەملەكەت باسشىسى ۇكى­مەت­كە جانە وزگە مەملەكەتتىك ور­گان­دارعا ءتيىستى تاپسىرما بەردى. ولار­دىڭ ورىندالۋىنا باقىلاۋ جاساۋ قازاقستان رەسپۋبليكا­سى­نىڭ قاۋىپ­سىزدىك كەڭەسىنە جۇك­تەلدى. ءاليسۇلتان قۇلانباي. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.