جۋىردا وبلىس ورتالىعىندا «تاۋەلسىزدىك تۇعىرى» اتتى تاقىرىپتا جاس قالامگەرلەر فەستيۆالى ءوتتى. بۇل فەستيۆالعا ەلىمىزدىڭ ءار قيىرىنان تالانتتى جاستار جينالدى. وبلىستا وسىمەن ەكىنشى رەت ءوتىپ وتىرعان بۇل جيىندى وتكىزۋگە وبلىس اكىمدىگى جانە جازۋشىلار وداعى باستاماشى بولدى.
جالپى, بۇل جيىننىڭ باستى ماقساتى – ەلىمىزدىڭ تاۋەلسىزدىك جىلدارىنداعى تىنىس-ءتىرشىلىگىن, ەركىندىك العالى بەرگى جارقىن قۋانىشتار, جاقسىلىقتاردى ءسوز ونەرىندە جىرلاپ كورسەتۋ, وسى جىرلارى ارقىلى جاس تالانتتاردى ەلگە تانىتۋ. سوعان وراي جاستار وبلىس ورتالىعىنداعى ەلىمىزدىڭ كوك تۋى جەلبىرەپ تۇرعان الاڭعا بارىپ وتان, تۋعان ەل, تاۋەلسىزدىك, بولاشاق جايلى ءوز ولەڭدەرىن وقىدى. وسى جيىن اياسىندا وتكەن دوڭگەلەك ۇستەل باسىندا دا وسى تاقىرىپتا اڭگىمە ايتىلدى. دارىن قۋاتىمەن كوزگە تۇسكەن جاس قالامگەرلەرگە كەرەكۋ ءوڭىرىنىڭ اتاقتى تۇلعالارى جانە كۇنى كەشە مارقۇم بولعان اقىندار قادىر مىرزا ءالى, تۇمانباي مولداعاليەۆ اتىنداعى سىيلىقتار تاعايىندالدى.
فاريدا بىقاي.
پاۆلودار.