تاۋەلسىزدىكتىڭ 20 جىلدىعىنا وراي قازاقستان حالقى اسسامبلەياسى تاراز قالاسىندا «ۇلتتىق كينو كۇنىن» وتكىزدى. بۇل ءىس-شاراعا اتاقتى كينواكتەرلەر, رەجيسسەرلەر, مادەنيەت قايراتكەرلەرى, وبلىستاعى ەتنومادەني بىرلەستىكتەرى مەن زيالى قاۋىم وكىلدەرى قاتىستى.
وبلىس ورتالىعىنداعى «ۇلتىق كينو كۇنى» ەلباسى ن. نازارباەۆتىڭ بالداۋرەن بالالىق شاعى مەن ەسەيۋ جىلدارىنا ارنالعان «مەنىڭ بالالىق شاعىمنىڭ اسپانى» فيلمىمەن باستالدى.
«ۇلتتىق كينو كۇنى» اياسىندا كورسەتىلگەن فيلمدەردەن سوڭ كورەرمەندەر ساۋالدارىنا وراي كينورەجيسسەر كەرىمبەك نيازباەۆ, تالانتتى كينواكتەرلەر نۇرجۇمان ىقتىمباەۆ, بولات قالىمبەتوۆ جانە كينورەجيسسەر ءسابيت قۇرمانبەكوۆ ەلىمىزدەگى كينو ونەرىنىڭ تاۋەلسىزدىك تۇسىنداعى تابىستارى تۋرالى قىزىقتى دا عيباراتتى اڭگىمەلەر ايتىپ بەردى.
كوسەمالى ساتتىباي ۇلى.
تاراز.