مەملەكەتىمىز تاۋەلسىزدىگىنىڭ 20 جىلدىعىنا وراي جاقىندا قازاقستاننىڭ وسلوداعى ديپلوماتيالىق ميسسياسى نورۆەگيانىڭ ساۋدا-ونەركاسىپتىك پالاتاسىنىڭ قولداۋىمەن قازاقستان جايلى تۇساۋكەسەر-سەمينار وتكىزدى. اتالعان ءىس-شارادا نورۆەگيالىق قاۋىم وكىلدەرى ەلىمىز تاۋەلسىزدىگىنىڭ 20 جىلىندا قول جەتكىزگەن ەكونوميكالىق جەتىستىكتەرىمەن تانىستىردى, سونداي-اق ىنتىماقتاستىقتىڭ قازىرگى تاڭداعى ينۆەستيتسيالىق جانە ساۋدا ءمۇمكىنشىلىكتەرىنەن حاباردار ەتىلدى.
وسلودا سەمينار ەكى ەلدىڭ ەكى جاقتى قاتىناستار تاريحىندا العاش رەت جۇزەگە اسقان قازاقستاندىق ءىس-شارا بولىپ تابىلدى. اتالمىش سەمينارعا ونەركاسىپ, قارجى قىزمەتى, اقپاراتتىق تەحنولوگيالار مەن ينفراقۇرىلىمدىق سالالاردا جۇمىس ىستەيتىن سكانديناۆيا ەلدەرى ىسكەر توپتارىنىڭ وكىلدەرى قاتىستى.
جۇزەگە اسقان سەمينار «كازنەكس-ينۆەست» ەكسپورتتى تارتۋ جانە ىلگەرىلەتۋ بويىنشا ۇلتتىق اگەنتتىگى مەن «Grata» قازاقستاندىق ەڭ ءىرى زاڭ فيرماسىنىڭ بەلسەندى كومەگىمەن ۇيىمداستىرىلدى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.