كەشە قايرات ءماميدىڭ توراعالىق ەتۋىمەن پارلامەنت سەناتىنىڭ بيۋرو وتىرىسىندا 29 قىركۇيەكتە بولاتىن پالاتانىڭ كەزەكتى جالپى وتىرىسىنىڭ كۇن ءتارتىبى بويىنشا ۇسىنىستار تالقىلاندى, دەپ حابارلادى پارلامەنت سەناتىنىڭ باسپاسوز قىزمەتى.
تاياۋداعى وتىرىستا «نەكە (ەرلى-زايىپتىلىق) جانە وتباسى تۋرالى» كودەكستىڭ جوباسى ءبىرىنشى وقىلىمدا تالقىلاناتىن بولدى. سونداي-اق ءبىرىنشى وقىلىمدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۇيىمداسقان قىلمىسقا قارسى ءىس-قيمىل ماسەلەلەرى بويىنشا ءوزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكولوگيالىق ءماسەلەلەر بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى قارالادى.
ودان باسقا دەپۋتاتتار تالقىسىنا «ءدىني قىزمەت پەن ءدىني بىرلەستىكتەر تۋرالى» زاڭ جوباسى ۇسىنىلادى, ال «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا قارالادى.