جاقىندا كاسپي تەڭىزى ايلاعىنداعى قازاقستان سەكتورىندا ءجانە «ويماشا» پوليگونىندا ءىرى كولەمدى بىرلەسكەن «ورتالىق-2011» ستراتەگيالىق جاتتىعۋىنىڭ شەشۋشى كەزەڭى ءوتتى. جاۋىنگەرلىك ءىس-قيمىلداردىڭ قۇرلىقتاعى, تەڭىزدەگى جانە اۋەدەگى ارەكەتىن قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ باقىلاپ وتىردى.
ەكى ارميانىڭ اسكەري قىزمەتشىلەرى دەسانتقا قارسى قورعانىس, تەڭىزدەگى ۇرىس, تاكتيكالىق تەڭىز دەسانتىن ءتۇسىرۋ جانە باسقا دا زاماناۋي سوعىس قاقتىعىستارىنىڭ ەلەمەنتتەرىن كورسەتىپ, جاتتىعۋدىڭ نەگىزگى ارقاۋى بولىپ تابىلاتىن ورتالىق ازيا ايماعىندا ورىن العان وقيعالاردى وزگەرتۋگە قاتىستى وپەراتسيالاردى جۇزەگە اسىردى.
قازاقستان مەن رەسەي قارۋلى كۇشتەرىنىڭ بولىمدەرى كواليتسيالىق «كاسپي» اسكەرلەر توبىنىڭ نەگىزىن قۇرادى. قازاقستان تاراپىنان ونىڭ قۇرامىنا دەسانتتى-شابۋىلداۋشى بولىمدەر, تەڭىز جاياۋ اسكەرلەرى, ارتەكتى كورابلدەر ديۆيزيونى مەن اۆياتسيا, سونداي-اق ءىىم ىشكى اسكەرلەرى, ۇقك شەكارا قىزمەتىنىڭ جاعالاۋ كۇزەتى مەن قازاقستان توتەنشە جاعدايلار مينيسترلىگى كىردى.
قازاقستان مەن رەسەي مەملەكەتتەرىنىڭ اسكەري قىزمەتشىلەرى شارتتى تۇردەگى جاۋعا شابۋىل جاسادى. اتىس تەڭىزدەن, اسپان مەن جەردەن جۇرگىزىلدى. جاۋ جاعالاۋعا كەلىپ ورنالاستى. مي-17 تىكۇشاعىمەن ۇرىس دالاسىنا مينا ورنالاستىرۋعا شەشىم قابىلداندى.
تەڭىز ۇستىندە دە ۇرىس قيمىلدارى جۇرۋدە. كەمەلەردەن سوققى بەرەتىن توپ جاۋدىڭ تەڭىزگە دەسانتىن تۇسىرتپەۋ ماقساتىندا ۇرىسقا كىرىستى. ءىس-قيمىلدار بارىسىندا ەكى جاقتىڭ كەمەلەرى ءبىر-بىرىنە جاقىنداي ءتۇستى. ارتيللەريالىق قوندىرعىلاردان وق جاۋدىرىلدى. اتىس باسقارۋ كەمەسىندە ۇرىسقا قابىلەتتى كەمەلەردىڭ سانى بەلگىلى بولعان سوڭ ولارعا قارسى ارتيللەريادان سوققى بەرىلدى. جاۋدىڭ دەسانت وتريادى جويىلدى.
بۇدان سوڭ اۆياتسياعا كەزەك كەلدى. رەسەي فەدەراتسياسى اسكەري-اۋە كۇشتەرىنىڭ بومبالاۋشى قوس سۋ-24 ۇشاعى جاۋ پوزيتسياسىن بومبالاپ ءوتتى. بۇدان سوڭ زەنيت قوندىرعىلارىنان اۋەدەگى جاۋ شابۋىلىنا تويتارىس بەرىلدى.
وسىدان كەيىن «ويماشا» پوليگونىندا قازاقستاندىق جانە رەسەيلىك ارميانىڭ اسكەري قىزمەتشىلەرى قارسىلاستاردىڭ الدىڭعى شەپتەگى وتريادىنىڭ شابۋىلىنا توتەپ بەرىپ, سوڭىنان قارسى شابۋىلعا شىقتى.
قارسى جاقتىڭ جىلجىپ بارا جاتقان مەحانيكالاندىرىلعان كولونناسىنا قر قك اقك-ءنىڭ قوس سۋ-27 ۇشاعى اۋەدەن ءبىرىنشى بولىپ سوققى بەردى. شارتتى جاۋ بۇعان دايىن بولاتىن. ءبىزدىڭ ءاسكەرلەر العى شەپكە جىلجۋدا. ءدال وسى ساتتە جاۋدىڭ ارتيللەريالىق بولىمشەلەرى ورنالاسقان اۋدانعا ەكىنشى رەت سوققى بەرىلدى. قر قك اقك-ءنىڭ قوس مي-24 تىكۇشاعى جىلجىپ كەلە جاتقان جاۋ كولونناسىنا ءۇستى-ۇستىنە وق جاۋدىردى. وسى كەزدە تىلدىق جانە تەحنيكالىق قامتاماسىز ەتۋ بولىمدەرى العا قاراي جىلجي ءجونەلدى. وق-دارىلەردىڭ, جانار-جاعار مايدىڭ قورى تولىقتىرىلىپ, جارالىلار مەن جارامسىز تەحنيكالاردى قاۋىپسىز ايماققا الىپ كەتۋ جۇزەگە اسىرىلدى.
– جاتتىعۋدا العا قويىلعان ماقساتتارعا تولىق قول جەتكىزىلدى, ەكى ەل ارمياسىنىڭ اسكەري قىزمەتشىلەرى بىرلەسكەن ءىس-قيمىلدىڭ بارلىق كەزەڭدەرىندە شىنايى شەبەرلىكتەرى مەن جوعارى كاسىبيلىكتەرىن تانىتتى, – دەپ اتاپ ءوتتى قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ. – جاتتىعۋعا قاتىسۋشى مەملەكەتتەردىڭ قارۋلى كۇشتەرى جاۋىنگەرلىك قيمىلداردى جۇرگىزۋ بارىسىندا بولىمدەر مەن ءبولىمشەلەردىڭ باسقارۋ ورگاندارىنىڭ ءوزارا بايلانىستارىن ۇيىمداستىرۋدا مول تاجىريبە جيناقتادى.
جاۋىنگەرلىك ءىس-قيمىلداردىڭ سوڭىندا تەڭىز جاياۋ اسكەرلەرى كەدەرگىلەردەن ءوتۋ ارقىلى اتۋ جاتتىعۋلارىن ورىندادى. مۇنان سوڭ قر ءىىم ىشكى اسكەرلەرىنىڭ ءبولىمشەسى بلوك-پوستا جاۋدى جويۋدىڭ ءادىس-تاسىلدەرىن, ال قر توتەنشە جاعدايلار مينيسترلىگى بولىمدەردىڭ ءورت ءسوندىرۋ كەزىندەگى ارەكەتتەرىن كورسەتتى جانە دالالىق مەديتسينالىق گوسپيتالدى ورناتتى.
قازاقستان قورعانىس ۆەدومستۆوسىنىڭ باسشىسى جاتتىعۋدا كوزگە تۇسكەن ەكى ەل ارمياسىنىڭ اسكەري قىزمەتشىلەرىن ماراپاتتادى. بىرلەسكەن «ورتالىق-2011» ستراتەگيالىق جاتتىعۋىنىڭ سالتاناتتى جابىلۋ ءراسىمى بۇرناعى كۇنى وتكىزىلدى.
وكسانا پارپۋرا, قورعانىس مينيسترلىگى ءباسپاسوز قىزمەتىنىڭ وكىلى.
سۋرەتتەردى تۇسىرگەن رومان كازۋنين, ەرمەك سارباسوۆ.