وبلىستاعى ءبىلىم مەكەمەلەرىنىڭ قۇرىلىسى سەرپىندى دامۋدا. جالپى العاندا, سوڭعى 10 جىلدا 88 مەكتەپتىڭ عيماراتى جاڭادان بەرىلسە, بيىلعى جىلدىڭ وزىندە جاڭا 11 مەكتەپ ءوز جۇمىسىن باستاۋدا.
يننوۆاتسيالىق تۇرعىدا وقىتاتىن مەكتەپتەر قاتارى جىلدان-جىلعا وسۋدە. 2008 جىلى 6 يننوۆاتسيالىق مەكتەپ جۇمىس جاساسا, 2009 جىلى 18, 2010 جىلى 20, 2011 جىلى 21 بولىپ وتىر. زاماننىڭ تالابىنا ساي بىلىمگە دەگەن كوزقاراستىڭ وزگەرگەنىن وسى ءبىلىم بەرۋ ۇيىمدارىنا سۇرانىستىڭ كوپتىگىنەن دە بايقاۋعا بولادى. مۇنداي مەكتەپتەر ءبىلىم نەگىزدەرىن مەڭگەرتۋدەگى قاجەتتىلىك ەكەنىن بىزگە زامان تالابى مويىنداتۋدا.
“ۇستازى زامانىنان وزىق ەلدىڭ بۇگىنى دە, بولاشاعى دا زور” دەپ ەلباسى نۇرسۇلتان نازارباەۆ ايتقانداي, ءبىلىم سالاسىنىڭ جاڭا دەڭگەيگە كوتەرىلۋىنە ۇستاز قاۋىمىنىڭ قوسار ۇلەسى زور. مۇنىڭ ءوزى – بولاشاقتا باسەكەگە قابىلەتتى ۇلت ۇرپاعىن قالىپتاستىرۋدا مۇعالىمدەردىڭ ارقالار جۇگى اۋىر ەكەنىن كورسەتسە كەرەك.
وبلىستا جالپى الەۋمەتتىك سالا بويىنشا بىرجولعى ءجاردەماقى بەرىلگەن جاس ماماننىڭ 80 پايىزى, ياعني 570-ءى, تۇرعىن ءۇي الۋعا جەڭىلدىكپەن نەسيە العان 330 ماماننىڭ 241-ءى (73 پايىزى) ءبىلىم سالاسىنىڭ ماماندارى ەكەنىن دە ايتا كەتسەك دەيمىز.
ۇلتتىق بىرىڭعاي تەستىلەۋ قورىتىندىسىمەن دە, «التىن بەلگى» بەلگىسىن دالەلدەۋدە دە وبلىسىمىزدىڭ رەسپۋبليكا بويىنشا 2 جىل بويى العاشقى ۇشتىكتە بولۋى كەزدەيسوقتىق ەمەس. ونىڭ ءبارى وسىنداي جۇيەلى, جوسپارلى تۇردە جاسالعان ەڭبەكتىڭ ناتيجەسى.
وبلىسىمىزدا دەنساۋلىق ساقتاۋ سالاسى ءوزىنىڭ وڭ جەتىستىكتەرىمەن ءوڭىر حالقىن قۋانتۋدا. 2009 جىلى وبلىستىق بيۋدجەت ەسەبىنەن 32 ەلدى مەكەندەردە مەديتسينالىق پۋنكتتەردىڭ, 9 دارىگەرلىك امبۋلاتوريانىڭ قۇرىلىسى سالىنسا, 2010 جىلى جەرگىلىكتى بيۋدجەتتەن 7 مەديتسينالىق پۋنكتتىڭ قۇرىلىسى جۇرگىزىلدى. بايقوڭىر قالاسىندا قۇرامىندا ايەلدەر كونسۋلتاتسياسى بار پەرزەنتحانا قۇرىلىسى اياقتالدى.
قىزىلوردا قالاسىنداعى 200 توسەكتىك پەريناتالدىق ورتالىق, سونداي-اق قالالىق ەمحانا قۇرىلىسى ەل تاۋەلسىزدىگى قارساڭىندا پايدالانۋعا بەرىلمەكشى.
سالانىڭ ماتەريالدىق-تەحنيكالىق بازاسى نىعايۋدا. جاقىندا عانا سانيتارلىق اۆياتسياعا تىكۇشاق الىندى. قازىردىڭ وزىندە ونىڭ يگىلىگىن الىس اۋىلداعى تۇرعىندار كورۋدە.
الاشتىڭ اناسى اتالعان سىر وڭىرىندەگى وسىنداي جەمىستى ىستەر ەل بولاشاعىنىڭ جارقىندىعىنا دەگەن سەنىمدى جىلدان-جىلعا نىعايتىپ كەلەدى.
ناۋرىزباي بايقاداموۆ, قورقىت اتا اتىنداعى قمۋ-ءدىڭ تاربيە جۇمىستارى جونىندەگى پرورەكتورى, تاريح عىلىمدارىنىڭ كانديداتى, «مارتەبەلى قازاقستان» قوعامدىق قورىنىڭ پرەزيدەنتى.