سىرتقى ىستەر مينيسترلىگىنىڭ الماتى قالاسىنداعى وكىلدىگىندە سىرتقى ىستەر ءمينيسترىنىڭ ورىنباسارى قايرات سارىبايدىڭ توراعالىق ەتۋىمەن قازاقستان رەسپۋبليكاسى تاۋەلسىزدىگىنىڭ 20 جىلدىعىنا وراي ديپلوماتيالىق تەرميندەر سوزدىگىنىڭ شىعۋىنا ارنالعان دوڭگەلەك ۇستەل ءوتتى.
دوڭگەلەك ۇستەل جۇمىسىنا ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ, ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ, قازاق-بريتان ۋنيۆەرسيتەتىنىڭ ساراپشىلارى قاتىستى.
ءتىل ساراپتاماسىن ا.بايتۇرسىنوۆ اتىنداعى ءتىل ءبىلىمى ينستيتۋتى تەرمينولوگيا ءبولىمىنىڭ جەتەكشى عالىم-لينگۆيستەرى, ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ تەوريا جانە پراكتيكالىق اۋدارما كافەدراسى مەن قازاق-بريتان ۋنيۆەرسيتەتىنىڭ اعىلشىن ءتىلى كافەدراسىنىڭ ماماندارى جۇزەگە اسىردى.
كاسىبي سوزدىك كەڭ اۋديتورياعا ارنالعان جانە رەسپۋبليكانىڭ قوعامدىق-ساياسي ءومىرىنىڭ بارلىق سالاسىندا, سونداي-اق كەلەشەك ديپلومات مامانداردى وقىتىپ شىعاراتىن جوعارى وقۋ ورىندارىندا كەڭىنەن كولدانىلادى, دەپ حابارلادى ءسىم-ءنىڭ الماتى قالاسىنداعى وكىلدىگى.