تاياۋدا «سامۇرىق-قازىنا» ۇلتتىق ءال-اۋقات قورى اق باسقارما ءتوراعاسى تيمۋر ق ۇلىباەۆ «قازمۇنايگاز» كومپانياسى توبىنىڭ ساتىپ الۋ كەزىندە قازاقستاندىق تاۋارلاردى قامتۋىن ۇلعايتۋ ءماسەلەسى جونىندەگى كەڭەسكە قاتىستى.
ءىس-شاراعا «قازمۇنايگاز» ۇك» اق-تىڭ, «قازمۇنايگاز» بارلاۋ ءوندىرۋ» اق-تىڭ, «قازترانسويل» اق-تىڭ, «قازترانسگاز» اق-تىڭ, «ءاموز» جشس-نىڭ, «PSA» جشس-نىڭ, NCOC, Karachaganak Petroleum Operating BV, «تەڭىزشەۆرويل» جشس-ءنىڭ, قازاقستاننىڭ ماشينا جاساۋ وداعىنىڭ, سونداي-اق وتاندىق تاۋار ءوندىرۋشى كومپانيالاردىڭ باسشىلارى قاتىستى.
«ءبىزدىڭ الدىمىزدا قازاقستاندىق قامتۋدى 60%-عا دەيىن جەتكىزۋ ءمىندەتى تۇر, بيزنەس مەن نەگىزگى تاپسىرىس بەرۋشى بىرىگىپ ونى ورىنداۋعا كىرىسەيىك. «قازمۇنايگاز» جانە «سامۇرىق-قازىنا» قازاقستاندىق كاسىپكەرلەردىڭ قاتىسۋىمەن كاسىپورىندار قۇرۋعا جان-جاقتى قولداۋ كورسەتەدى», – دەپ اتاپ كورسەتتى ق ۇلىباەۆ.
«قازمۇنايگاز» ۇك» اق باسقارما توراعاسى قايىرگەلدى قابىلدين قازىرگى ۋاقىتتا قمگ ۇك باقىلاۋ-ولشەۋ اسپاپتارىن, بۇراندالى سورعىلاردى, گاز تاراتۋ پۋنكتتەرىن, ءارتۇرلى ەلەكتر تەحنيكالىق بۇيىمداردى, سۇزگىلەردى, پاكەرلەردى, بۇرعىلاۋ قۇبىرلارىن جانە ت.ب. شىعاراتىن قازاقستاندا 21 جاڭا ءوندىرىس ۇيىمداستىرۋ جونىندە جۇمىس جۇرگىزىپ جاتقانىن حابارلادى. قابىلدانعان شارالار ءناتيجەسىندە وتاندىق كاسىپورىنداردا 600-دەن استام جۇمىس ورنى اشىلاتىن بولادى.
ول قازاقستاندىق قامتۋدى ۇلعايتۋ پەرسپەكتيۆالارىن بەلگىلەپ, وتاندىق كاسىپورىنداردىڭ باسشىلارىن قازاقستاندا جەتكىلىكسىز وندىرىلەتىن تاۋارلاردى, ونىڭ ىشىندە حيميالىق رەاگەنتتەر, زەرتحانالىق جانە ەلەكترلى جارىق تۇسىرگىش جابدىق, سورعى اگرەگاتتارىن شىعارۋعا شاقىردى.
ءوز كەزەگىندە, تيمۋر ق ۇلىباەۆ اتىراۋ ءموز-ىندە حوش ءيىستى كومىرسۋتەگىن وندىرەتىن كەشەن سالۋ جانە «بەينەۋ-بوزوي-شىمكەنت» گاز قۇبىرىن سالۋ سىندى وسىنداي ءىرى جوبالارعا قاتىسۋعا قازاقستاندىق وندىرۋشىلەردى تارتۋ بويىنشا شارالار قابىلداۋدى تاپسىردى.
ول قاشاعان كەن ورنىن دا اتاپ ءوتتى. «بىرىڭعاي كەشەندى ءتاسىلدەمە تاڭداۋ قاجەت. «سامۇرىق-قازىنا» ءوز تاراپىنان ءوندىرىستى ۇيىمداستىرۋ بويىنشا جوبالاردى قارجىلاندىرۋ, تەحنيكالىق جانە ۇيىمدىق قولداۋعا ۋادە بەرەدى», – دەپ سەندىردى.
كەڭەستە قازاقستاندىق ءوندىرۋشىلەر الەمدىك ستاندارتتارعا ءسايكەس كەلۋگە, ءوز ءونىمىنىڭ ساپاسىن جاقسارتۋعا, قۇنىن ازايتۋعا, قورشاعان ورتانى قورعاۋ مەن ونىڭ قاۋىپسىزدىگى ستاندارتتارىنا ءسايكەس كەلۋگە تىرىسۋى قاجەت ەكەنى اتالىپ ءوتىلدى.
«ەگەمەن-اقپارات».