تەحنولوگيالىق دامۋ: ىلگەرىلەۋ مەن ىركىلىستەر

كەشە استاناداعى «رەديسسون» قوناقۇيىندە «مەملەكەتتىك باسقارۋداعى يننوۆاتسيالىق تەحنولوگيالار: بولاشاق ەكونوميكاسى جولىندا» تاقىرىبىندا IDC كونفەرەنتسيا بولىپ ءوتتى. كونفەرەنتسياعا IDC Interna­tio­nal پرەزيدەنتى فيليپپ دە مارسيلياك, IDC CEMA جوعارى ۆيتسە-پرەزيدەنتى جانە اتقارۋشى دي­رەك­تورى ستيۆەن فرانتسەن, The Secdev Group كومپانياسىنىڭ نەگىزىن قالاۋشى ءارى باسقارما ءتور­اعاسى جانە كيبەر-قاۋىپسىزدىك سا­لا­سىنداعى ماسەلە­لەر­دى زەرتتەۋدە الەمدىك مامانداردىڭ ءبىرى بولىپ سانالاتىن رافال روحوزينسكي قاتىستى. شارا باستالماس بۇرىن جۋرناليستەرگە ارناپ ءباسپاسوز ءماسليحاتى ۇي­ىم­داستىرىلدى. وعان قازاقستاندىق ءىت كومپانيالار اسسوتسياتسياسى پرەزيدەنتى نۇر­لان يسين, «زەردە» ۇلتتىق اقپارات­تىق-تەحنولوگيالىق حولدينگى وكىلى بيكەش قۇرمان­عا­ليەۆا, IDC International پرەزيدەنتى فيليپپ دە مارسيلياك, IDC-ءتىڭ قازاقستانداعى وكىلدىگىنىڭ باس­شى­سى اندرەي بەكلەميشەۆ, «كاس­پەرسكي لابو­را­تورياسىنىڭ» دامۋشى رىنوكتى ەلدەردەگى ات­قا­رۋشى ديرەكتورى گارري كونداكوۆ جانە باسقالار قاتىستى. ءباسپاسوز ءماسليحاتىندا قازاقستاننىڭ اق­پا­راتتىق تەحنولوگيا رىنوگىن­دا­عى 2010-2011 جىل­داردا قول جەتكىزگەن كورسەتكىشتەرى تۋرالى باياندامالار جاسالدى. سونداي-اق مەملەكەتتىك سەكتور ءۇشىن قولدا­نى­لاتىن تەحنولوگيالار ساراپ­تاماسى جانە الەمدىك اقپاراتتىق تەحنولوگيالار رى­نوگىنداعى باي­قالىمداردىڭ شولۋى جاريا­لان­دى. كيبەركەڭىستىكتەگى قاۋىپسىز­دىك ماسەلەسى دە ەرەكشە اتالدى. كي­بەر­قاۋىپسىزدىكتىڭ تەندەنتسيالارى مەن ونىڭ سالدارلارى, زاماناۋي كيبەركەڭىستىكتى قالىپتاستىراتىن قوزعاۋشى كۇشتەر تاقىرىپتارى دا نازاردان تىس قالمادى. ءىDC اقپاراتتىق تەحنولوگيا رى­نوك­تارىن زەرتتەيتىن حالىق­ارا­لىق دەڭ­گەي­دەگى تاۋەلسىز اگەنتتىك بولىپ تابىلادى. اگەنتتىك ۇيىمداستىرعان كونفەرەنتسيا با­رى­سىندا اقپاراتتىق قاۋىپسىزدىك جانە وعان قولجەتىمدىلىك, اقپا­رات­تاردى ساق­تاپ-وڭدەيتىن ورتا­لىق­تار تيىمدىلىگى, اق­پا­راتتاردى ساقتاۋ مەن  بۇلتتىق شەشىمدەر, اقپاراتتىق جەلىلەر مەن كوممۋنيكاتسيالار, مەملەكەتتىك سەك­تور­داعى اۋتسورسينگ, قىزمەت كور­س­ەتۋ­دى جاقسارتۋ جانە تەحنيكالىق سا­راپتامانى جەتىلدىرۋ, قۇجات اي­نا­لىمىن باسقارۋ, ۇكىمەت موبيلدىلىگى باستى تاقىرىپتاردىڭ وزە­گىنە اينالدى. كونفەرەنتسياعا Microsoft, كاس­پەر­سكي لابوراتورياسى, HP, Checkpoint, VMware, Fujitsu, SmartCom, APC by Schneider-Electric, «1س», SAP جانە Kingston Technology فيرمالارى قاتىس­تى. ال ەلىمىزدىڭ بايلانىس جانە اق­پارات مينيسترلىگى, قازاقستاننىڭ ينتەرنەت اسسوتسياتسياسى جانە ءىت كومپانيالار قاۋىمداستىعى قول­داۋ كورسەتتى. IDC زەرتتەۋلەرى ىشىندە ءوزى­مىز­دى قى­زىقتىرعان كەيبىر ءمالى­مەت­تەرگە توقتالا كەتسەك. ساراپتامالار ناتيجەسىندە قا­زاق­ستاننىڭ باسپا پەريفەرياسى رىنوگى 2011 جىلدىڭ العاشقى جارتىجىلدى­عىن­دا كەيبىر جەكە سەگمەنتتەرىنىڭ قىس­قارۋىن ەسەپكە الماعاندا ەداۋىر العا جىلجىعان. ال باسپا قۇرىلعىلارىن جەتكىزۋ كولەمى تۇرعىسىنان 2010 جىلدان 17 %-عا, ال قۇنى تۇرعىسىنان 32%-عا وسكەن. رىنوكتىڭ جالپى ءوسىمى­نە قاراماستان قۇيىلمالى تەحنولوگيالار سالاسىندا قاتتى قۇل­دى­راۋ بايقالعان. سەرۆەر رىنو­گىندا بارلىق سەگمەنت بويىنشا ءوسۋ قارقىنى بايقالعان كورى­نەدى. ال وتكەن جىلى دەربەس كومپيۋتەر رىنوگىندا ولاردى ساتىپ الۋدا سوڭعى بەس جىل ىشىندە ەڭ ءۇل­كەن ءوسىم كورسەتكەن. IDC ءمالى­مەتتەرىنە سەنسەك, مۇنداي كورسەت­كىش داعدارىستىڭ الدىڭعى جىل­دا­رىندا دا بايقالماعان كورىنەدى. ۆەنەرا تۇگەلباي.