1 قىركۇيەكتە اشىلعان پارلامەنت پالاتالارىنىڭ بىرلەسكەن وتىرىسىندا سويلەگەن ءسوزىندە پرەزيدەنت نۇرسۇلتان نازارباەۆ ءتورت بلوك بويىنشا زاڭنامالاردى قابىلداۋدى ايقىنداپ بەردى. ەلباسى سونىڭ ءۇشىنشى بلوگىنداعى الەۋمەتتىك جاڭعىرتۋ ۇدەرىسىن زاڭدىق تۇرعىدان قامتاماسىز ەتۋ بولىگىنە ەرەكشە دەن قويدى. تارقاتىپ ايتقاندا, ءبىلىم بەرۋ, دەنساۋلىق ساقتاۋ جانە الەۋمەتتىك تۇرعىدان قولداۋ كورسەتۋ ماسەلەلەرىن حالىقارالىق ستاندارتتارعا ساي ەتۋ ماسەلەسىن قوزعادى. ەڭ الدىمەن, كوكەيگە «ءبىلىم بەرۋ تۋرالى» زاڭعا وزگەرىستەر مەن تولىقتىرۋلار ەنگىزۋ ماسەلەسى ورالاتىنى دا سوندىقتان. ال بۇل زاڭدىق قۇجات قۇقىقتىق نەگىزدىڭ اياسىن ايقىنداپ بەرۋى ءتيىس.
قازىر اتالعان زاڭ جوباسى سەناتتا قارالۋدا. ماسەلە تەك مەكتەپتەردى سالۋدا عانا ەمەس, بالالاردىڭ مەكتەپكە دەيىنگى ءتاربيەسىن, ءبىلىم ساپاسىن ارتتىرۋ سياقتى مەملەكەت پەن جەكەنىڭ ءارىپتەستىگىن نىعايتۋ قاجەت. مەنىڭ ويىمشا, مەملەكەت باسشىسى كوتەرگەن باسىمدىقتار نەگىزىنەن العاندا زاڭ جوباسىندا كورىنىس تاپقان. ءبىلىم بەرۋ سالاسىن جەتىلدىرۋ, باسقارۋ, وقۋ قۇرالدارىن ازىرلەۋ, مۇعالىمدەرگە الەۋمەتتىك پاكەتتەر دايىنداۋ – ءبارى-ءبارى بار. تەك مۇعالىمدەردىڭ ەڭبەگىن ونىڭ ناتيجەلى جۇمىس اتقارۋىمەن بايلانىستىرۋ ورىندى بولماق. پەداگوگتاردىڭ ەڭبەگى ونىڭ تابىستى جۇمىسىمەن ولشەنۋى ءتيىس.
وسى رەتتە جاس پەداگوگتار مەن دارىگەرلەردىڭ الەۋمەتتىك جاعىنان قورعالۋى قاجەتتىگىن اتاپ كەتكەن ورىندى. ەڭبەك كودەكسى جوباسى بويىنشا قازىر ماجىلىستە جۇمىس جۇرگىزىلۋدە. ەڭبەك ۇجىمدارىنداعى جاعدايدىڭ ايتارلىقتاي وزگەرىستەرگە ۇشىراۋىنا بايلانىستى زاڭعا كوپتەگەن وزگەرىستەر ەنگىزۋ قاجەت. اتاپ ايتقاندا, ۆاحتالىق جۇمىسكەرلەر, ەڭبەك ميگرانتتارى ماسەلەلەرى جانە وزگە دە كوپتەگەن پروبلەمالاردىڭ شەشىمى زاڭ جوباسىندا كورىنىس تابۋى ءتيىس.
سۆەتلانا فەرحو, ءماجىلىس دەپۋتاتى.