مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنىڭ باس پروكۋرورى اسحات داۋىلباەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
باس پروكۋرور پرەزيدەنتتى ەلىمىزدەگى زاڭدىلىق پەن قۇقىقتىق ءتارتىپتىڭ جاي-كۇيى, ونىڭ تاپسىرمالارىنىڭ ورىندالۋ بارىسى, سونداي-اق قۇقىق قورعاۋ قىزمەتىن ودان ءارى جەتىلدىرۋ ماسەلەلەرى بويىنشا قولدانىستاعى زاڭنامالارعا تۇبەگەيلى وزگەرىستەر ەنگىزۋ بويىنشا جۇرگىزىلىپ جاتقان جۇمىستار تۋرالى حاباردار ەتتى. سونىمەن قاتار, ا. داۋىلباەۆ قازاقستاندا ۇستىمىزدەگى جىلدىڭ كۇز مەزگىلىندە العاش رەت وتەتىن پروكۋرورلاردىڭ حالىقارالىق قاۋىمداستىعىنىڭ 6-شى وڭىرلىك كونفەرەنتسياسىنا ازىرلىك تۋرالى باياندادى.
كەزدەسۋدىڭ قورىتىندىسى بويىنشا مەملەكەت باسشىسى زاڭدىلىق پەن قۇقىقتىق ءتارتىپتى قامتاماسىز ەتۋ جۇمىستارىن جالعاستىرۋدى, سونداي-اق ازاماتتاردىڭ, شاعىن جانە ورتا بيزنەس وكىلدەرىنىڭ قۇقىقتارىن, مەملەكەت پەن قوعامنىڭ مۇددەلەرىن قورعاۋدى كۇشەيتۋدى تاپسىردى.
* * *
مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنىڭ ىشكى ىستەر مينيسترى قالمۇحانبەت قاسىموۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مينيستر پرەزيدەنتتى پوليتسيانى رەفورمالاۋ جانە ىشكى ىستەر ورگاندارى تۋرالى زاڭنامانى جەتىلدىرۋ جونىندەگى جۇمىستاردىڭ بارىسى تۋرالى حاباردار ەتتى.