كونستيتۋتسيامىزدىڭ قابىلدانعانىنا, مىنە, 16 جىل تولىپ وتىر, وسى وتكەن كەزەڭدە اتا زاڭىمىز حالقىمىزدىڭ عاسىرلار بويى تاۋەلسىز مەملەكەت بولۋدى ارمانداعان, مۇددەسىن زاڭ تىلىندە ايشىقتاعان, تۋىن بەرىك قاداعان, تۇعىرى بيىك, ىرگەسى مىقتى قازاقستان اتتى مەملەكەت بار ەكەنىن بۇكىل الەمگە تانىتقان, مويىنداتقان بىرەگەي زاڭدى قۇجات بولىپ تابىلادى.
مەملەكەتتىك بيلىكتىڭ دەربەس ءبىر تارماعى – سوت بيلىگىنىڭ قالىپتاسۋىنا جول سالعان تۇبەگەيلى وزگەرىستەر اتا زاڭنان باستاۋىن الىپ, قازىرگى كەزدە ناقتى جۇزەگە اسۋدا.
سوت تورەلىگىن جۇزەگە اسىرۋ جونىندەگى ءوز قىزمەتتەرىندە رەسپۋبليكادا سوت بيلىگىنىڭ مەملەكەتتىك بيلىك تارماعى رەتىندە باسقا زاڭ شىعارۋشى جانە اتقارۋشى بيلىك تارماقتارىمەن تەجەمەلىك ءارى تەپە-تەڭدىك جۇيەلەرى ارقىلى ءوزارا قيمىل جاسايتىنىن اتا زاڭىمىزدىڭ 4-بابىنان انىق بايقاۋعا بولادى.
اتالمىش باپ بويىنشا قولدانىلاتىن قۇقىق كونستيتۋتسيانىڭ, سوعان سايكەس زاڭداردىڭ, وزگە دە نورماتيۆتىك قۇقىقتىق اكتىلەردىڭ, حالىقارالىق شارتتارىمەن رەسپۋبليكانىڭ باسقا دا مىندەتتەمەلەرىنىڭ, سونداي-اق, رەسپۋبليكا كونستيتۋتسيالىق كەڭەسىنىڭ جانە جوعارعى سوتىنىڭ نورماتيۆتىك قاۋلىلارىنىڭ نورمالارى بولىپ تابىلادى.
سوت جۇيەسى ءنورماتيۆتى قاۋلىلاردى قابىلداۋ ارقىلى زاڭداردى جۇزەگە اسىرۋ پروتسەسىنە بەلسەندىلىكپەن ارالاسىپ, زاڭداردى قولدانۋدىڭ دۇرىستىعىن قامتاماسىز ەتۋگە جانە سوت تاجىريبەسىن بىركەلكى قالىپتاستىرۋعا بەلگىلى دارەجەدە ءوز ۇلەسىن قوسۋدا.
ىبىراي ماتىباەۆ, وڭتۇستىك قازاقستان وبلىستىق سوتىنىڭ سۋدياسى.