قۇرمەتتى نۇرسۇلتان ءابىش ۇلى! وسىدان 16 جىل بۇرىن ءسىزدىڭ باسشىلىعىڭىزبەن قابىلدانعان ەگەمەن ەلىمىزدى بارشا الەمگە قۇقىقتىق, زايىرلى جانە ءبىرتۇتاس مەملەكەت رەتىندە جاريالادى. بۇل تۇرعىدا ءسىز «ەگەمەن ەلiمiزدiڭ مەملەكەتتiلiگiن, تاۋەلسiزدiگiن, دەموكراتيالىق قۇندىلىقتارىن ايعاقتايتىن بiردەن بiر قۇجات – بۇل كونستيتۋتسيا» – دەپ وسى تاريحي ماڭىزدى قۇجاتتىڭ ءمان-ماعىناسىن تولىعىمەن ايشىقتاپ بەردىڭىز.
ءسىز قازىرگى تاڭدا قازاقستاننىڭ ءاربىر جاس ازاماتى ءۇشىن ەلىمىزدىڭ كونستيتۋتسياسىندا بەكىتىلگەن بارلىق مۇمكىندىكتەردى جۇزەگە اسىرۋدىڭ كەپىلى بولىپ وتىرسىز. ءسىزدىڭ تاۋەلسىز ەلىمىزدىڭ بىلىكتى جاستارىنا ارتىپ وتىرعان سەنىمىڭىزدى اسا جاۋاپكەرشىلىكپەن سەزىنەتىن جاسامپاز جاس ارقاشان جاڭا باستامالار جانىنان تابىلۋعا تىرىسادى. بارشا قازاق جاستارىنا دەگەن قولداۋىڭىزدى قازۇۋ قالاشىعىنا قاراپ تا كورۋگە بولادى. مىسالى, جاڭا وقۋ عيماراتتارى مەن جاتاقحانالار, باي كىتاپ قورى بار كىتاپحانانىڭ بوي كوتەرۋى, ستۋدەنتتىك قۇرىلىس جاساقتارىنىڭ قىزمەت ەتۋى جاس ۇرپاقتىڭ ءوز ەلىن سۇيەتىن ەلجاندى, ءبىلىمدى, بىلىكتى بولىپ وسۋىنە جاساعان جاعدايىڭىز دەپ بىلەمىز. «ادامنىڭ قانداي ەكەنىن ونىڭ قانداي ماقسات قويعانىنا قاراپ بىلەسىڭ» – دەيدى. ولاي بولسا, ءاردايىم وسىنداي بيىك ماقساتقا قول جەتكىزۋگە ۇمتىلاتىن بىزدەي جاستارى بار ەلىمىزدىڭ ءالى تالاي اسۋدى باعىندىراتىنا كامىل سەنىم بىلدىرەمىز!
قاناتتى بارىستاي كوسىلە كوككە ورلەگەن قازاقستاننىڭ مەرەيى ۇستەم بولىپ, گۇلدەنە بەرسىن! ەلىمىزدىڭ جاستارى بۇل جولدا جاستىق جالىنى مەن كۇش-جىگەرىن اياپ قالماق ەمەس.
ءال-فارابي اتىنداعى قازۇۋ جاستار ۇيىمدارى كوميتەتى.