«قازاقستان رەسپۋبليكاسىنىڭ ۇلتتىق مۇراعاتى» مم مەن «رەسپۋبليكالىق ايەلدەر كەڭەسى» رقب, «نۇر وتان» حدپ بىرىگىپ تاۋەلسىزدىكتىڭ 20 جىلدىعىنا ارنالعان «قازاقستان رەسپۋبليكاسى: تاۋەلسىزدىكتىڭ, ۇلتتىق بىرلىكتىڭ, بەيبىتشىلىك پەن جاسامپازدىقتىڭ 20 جىلى» اتتى تاقىرىپتا دوڭگەلەك ۇستەل وتكىزدى.
بۇل شارا وتانىمىزدىڭ كونستيتۋتسياسى كۇنىنە ارنالدى. وعان قارۋلى كۇشتەر قاتارىندا جۇرگەن ايەل اسكەري قىزمەتكەرلەر قاتىستى. ولار ەلورداعا اتا زاڭدى اتاپ وتەتىن اسكەري شەرۋگە قاتىسۋعا كەلگەندەر ەدى. ۇلتتىق مۇراعاتتاعى العاشقى باسقوسۋدا قازاق ەلىنىڭ قازىرگى زامان تاريحى مۇراعاتتىق قۇجاتتارىن قابىلداۋ, ساقتاۋ جانە پايدالانۋ بويىنشا قىزمەتپەن تانىسىپ, تاۋەلسىزدىككە ارنالعان قۇجاتتىق كورمەنى تاماشالادى. ال جۇزدەسۋدىڭ ەكىنشى بولىگىندە «نۇر وتان» حدپ ورتالىق اپپاراتىنىڭ ءماسليحات زالىندا «رەسپۋبليكالىق ايەلدەر كەڭەسى» رقب-نىڭ ءتورايىمى نينا قايۋپوۆا, پارتيانىڭ ورتالىق اپپاراتىنىڭ حاتشىسى سەرگەي گروموۆ, ۇلتتىق مۇراعاتتىڭ باس ديرەكتورى رىستى ساريەۆا, اسكەر قاتارىندا جۇرگەن ازاماتشالار پىكىر الماسىپ, ەگەمەن ەلدىڭ وتكەنى مەن بۇگىنىنە وي جىبەرىپ, كەمەلدى بولاشاعىنا ءوز ۇلەستەرىن قوساتىنىن ايتتى.
«ەگەمەن-اقپارات».