قازاقستان رەسپۋبليكاسىنىڭ سىرتقى ىستەر مينيسترلىگى ليۆياداعى جاعداي بويىنشا مالىمدەمە جاريالادى. وندا بىلاي دەلىنەدى:
قازاقستان ليۆياداعى سوڭعى وقيعالارعا بايلانىستى ەڭ جاقىن ۋاقىتتا جانجالدىڭ توقتاۋىن, ازاماتتاردىڭ قاۋىپسىزدىگىن قامتاماسىز ەتۋ مەن تۇراقتىلىق ورناۋىن اسا ماڭىزدى دەپ بىلەدى.
قازاقستان ليۆيا ءۇشىن مۇنداي درامالىق كەزەڭدە ليۆيا حالقىنىڭ تاڭداۋى مەن ساياسي ەركىن قۇرمەتتەي وتىرىپ, ەلدىڭ ەگەمەندىگى مەن اۋماقتىق تۇتاستىعىنىڭ ساقتالۋىن, ۇلتتىق جانە حالىقارالىق زاڭناما نورمالارىنىڭ قاتاڭ ساقتالۋىن جاقتايدى.
يسلام ىنتىماقتاستىعى ۇيىمى سىرتقى ىستەر مينيسترلەرى كەڭەسىنىڭ ءتوراعاسى رەتىندە قازاقستان ليۆياداعى جاعدايدىڭ ەڭ جاقىن ۋاقىتتا رەتتەلۋى مەن گۋمانيتارلىق داعدارىستىڭ ەڭسەرىلۋىنە قولۇشىن بەرۋ ماقساتىندا ۇيىمنىڭ بارلىق رەسۋرستارىن جيناقتاۋ ءۇشىن ىقپالداسۋعا دايىن.
وسىعان بايلانىستى قازاقستان يسلام ىنتىماقتاستىعى ۇيىمىنا مۇشە مەملەكەتتەردى باۋىرلاس مەملەكەتكە نيەتتەستىك بىلدىرۋگە جانە 2011 جىلعى 30 ماۋسىمداعى ۇيىمنىڭ سىرتقى ىستەر مينيسترلەرى كەڭەسىنىڭ 38-ءشى سەسسياسىندا قابىلدانعان «ليۆياعا گۋمانيتارلىق كومەك» تۋرالى №2/38-ICHAD قارارىن ورىنداۋ ءۇشىن ءتيىستى شارالار قولدانۋعا شاقىرادى.