ەڭسەلى ەلوردامىزداعى ىرگەلى وقۋ ورنى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى دەسەك, بۇل ءبىلىم ورداسىندا وقىساق دەگەن تالاپكەرلەر سانى بيىل 3075-كە جەتىپتى. وتكەن جىلى بۇل كورسەتكىش 2116 تالاپكەردى قۇراعان ەدى. ولاردىڭ اراسىندا «التىن بەلگى» يەگەرلەرى مەن حالىقارالىق جانە رەسپۋبليكالىق وليمپيادالاردىڭ, عىلىمي جوبا جارىستارىنىڭ جەڭىمپازدارى از ەمەس ەكەن. وتانىمىز بويىنشا 3 مىڭنان ءسال اساتىن «التىن بەلگىنى» ومىراۋىنا تاققان مىڭداعان ءجۇيرىكتەردىڭ 906-سىنىڭ وسى ۋنيۆەرسيتەتتى تاڭداۋى, وقۋ ورنىنىڭ بەدەلى بيىك ەكەنىن كورسەتسە كەرەك.
گرانت يەگەرلەرىنىڭ وقۋ ورىندارىن تاڭداۋى بويىنشا مالىمەتتەرگە كوز جۇگىرتەر بولساق, ەكىنشى ورىنعا 2925 ستۋدەنت تاڭداۋىمەن ءال-فارابي اتىنداعى قازاق ۇلتتىق ۋنيۆەرسيتەتى, ءۇشىنشى ورىنعا 2344 تالاپكەرمەن ق.ءساتباەۆ اتىنداعى ۇلتتىق تەحنيكالىق ۋنيۆەرسيتەت, ءتورتىنشى ورىنعا 2342 گرانت يەگەرى تاڭداعان م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى قول جەتكىزىپ وتىر.
سۇلەيمەن مامەت.