اعا ۇرپاققا ادالدىق

بۇل ادامزات تاريحىندا ورىن العان الەمدەگى ەڭ ءىرى يادرولىق تەحنوگەندىك اپات بولاتىن. چەر­نوبىل اتوم ەلەكتر ستانسا­سىن­داعى اپاتتى زالالسىزداندىرۋعا قاتىسقان 32 مىڭ قازاقس­تان­دىق­تىڭ قازىر 6797-ءسى عانا جەر باسىپ ءجۇر. سولاردىڭ قاتارىندا بولعان 2 مىڭ اقتو­بە­لىكتىڭ 278-ءى عانا امان-ەسەن. ولار­دىڭ 218-ءى ءمۇ­گە­دەك. ءۇستى­مىز­دەگى جىل­عى 26 ساۋىردە سول ءبىر كۇر­دەلى كەزەڭدە اپاتتى زالالسىز­دان­دىرۋعا اتسا­لىس­قان جەرلەستەرىمىزگە ورنا­تى­لاتىن ەسكەرتكىش-بەلگى­نىڭ تۇ­عىر­­­تاسى قويىلعان-دى. كونستيتۋتسيا كۇنى قارساڭىندا وسى ەسكەرتكىش-بەلگىنىڭ سالتانات­تى اشىلۋ ءراسىمى بولدى. وعان چەرنوبىل اتوم ەلەكتر ستانسا­سىن­دا بولعان اپاتتى زالال­سىز­دان­دىرۋعا قاتىسۋشىلار, سو­عىس جانە ەڭبەك ارداگەرلەرى, قالا­لىق­تار قا­تىستى. چەرنوبىلدىكتەرگە ورنا­تىل­­عان ەسكەرتكىش-بەلگىنىڭ سال­تا­ناتتى اشىلۋىندا ءسوز العان «نۇر وتان» حدپ وبلىستىق فيليا­لى­نىڭ توراعاسى, وبلىستىق ءماسلي­حات­تىڭ حاتشىسى بالعالي ورداباەۆ اپاتتى زالال­سىز­دان­دى­رۋعا قا­تىسۋشىلاردىڭ ازاماتتىق پارى­زىن ادال اتقارعانىن, ولار­دىڭ ەرلىك ىستەرى ەشقاشان ۇمى­تىل­ماي­تىنىن, بۇل تاقسىرەتتىڭ ۇرپاقتار جادىندا ماڭگى ساق­تا­لاتىنىن جەتكىزدى. جاستارعا پات­ري­وتتىق تاربيە بەرۋدەگى چە­رنو­بىلدىكتەردىڭ ونە­گەلى ىستەرىنە توقتالدى. وسى شاراعا ارنايى كەلگەن چەرنوبىل ارداگەرلەرى وداعى ۇيلەستىرۋ كەڭەسىنىڭ توراعاسى با­قىتجان اشىرباەۆ, پاۆلودار وب­لىستىق «چەرنوبىل وداعى» قو­عام­دىق بىرلەستىگىنىڭ توراعاسى وماربەك ايتجانوۆ چەرنوبىل اتوم ەلەكتر ستانساسىندا بولعان تەحنوگەندىك اپاتتى اۋىز­دىق­تاۋ­داعى قازاقستاندىقتاردىڭ ەرەن ەرلىگىن كەڭىنەن اڭگىمەلەدى. دەن­ساۋلىقتارى مەن ومىرلەرىنە قاۋىپ ءتونىپ تۇرعانىنا قاراماستان, جال­پىادامزاتتىق اجداھانى زا­لال­سىزداندىرۋداعى ەرلىك ىستەرى قانداي دا قۇرمەتكە لايىق ەكەنىن ەسكە سالدى. سوعىس جانە ەڭبەك مۇگەدەكتەرى وبلىستىق قوعامى­نىڭ توراعاسى فەدور چەمودانوۆ ەلباسى نۇرسۇلتان نازارباەۆتىڭ سارابدال ساياساتىنىڭ ناتيجە­سىن­دە جەرگىلىكتى بيلىكتىڭ ارداگەرلەر­گە, اۋعاندىقتارعا جانە چەرنو­­بىلدىكتەرگە الەۋمەتتىك قولداۋ كورسەتۋدى جۇيەلى جۇرگىزىپ كەلە جاتقانى ءۇشىن العىس سەزىمىن جەتكىزدى. «چەرنوبىل قۇرباندارى» قوعامدىق بىرلەستىگىنىڭ توراعاسى باقىتجان ساتوۆ چەرنوبىل­دىك­تەر­گە تۇرمىستىق جەڭىلدىكتەر قا­راس­تىرىپ, وسى ەسكەرتكىش-بەلگىنى قويۋ­عا قولداۋ-كومەك كورسەتكەن وب­لىستىق جانە قالالىق اكىم­دىك­تەر­گە شەكسىز ريزاشىلىعىن ءبىلدىردى. ەسكەرتكىشتىڭ تۇعىرتاسىندا «1986-1990 جىلدارى چەرنوبىل اەس اپاتىن زالالسىزداندىرۋعا قاتىسقان اقتوبەلىكتەرگە تاعزىم ەتەمىز» دەپ جازىلعان. شاراعا قا­تىسۋشىلار ومىردەن وزعان چەر­نوبىلدىكتەردى ءبىر ءمينوت ءۇنسىز­دىكپەن ەسكە الدى. ساتىبالدى ءساۋىرباي. اقتوبە وبلىسى.