مەملەكەت باسشىسى نۇرسۇلتان نازارباەۆتىڭ اتىنا امەريكا قۇراما شتاتتارىنىڭ پرەزيدەنتى باراك وبامانىڭ جەكە جولداۋى كەلىپ ءتۇستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
جولداۋدا اتاپ وتىلگەندەي, قازاقستان تاۋەلسىزدىگىن العان ءساتتەن باستاپ يادرولىق قارۋسىزدانۋ جانە تاراتپاۋ سالاسىندا الەمدىك كوشباسشىلاردىڭ ءبىرى بولىپ سانالادى.
پرەزيدەنت وباما 2012 جىلعى ناۋرىزدا سەۋلدە (وڭتۇستىك كورەيا) وتەتىن يادرولىق قاۋىپسىزدىك جونىندەگى ەكىنشى ءسامميتتىڭ ماڭىزىن اتاپ وتكەن. حاتتا سەۋل ءسامميتى اياسىندا ۆاشينگتون مەن استانانىڭ يادرولىق قاۋىپسىزدىك سالاسىنداعى وزەكتى پروبلەمالاردى شەشۋگە بىرلەسىپ سالماقتى ۇلەس قوساتىن, يادرولىق قارۋدان ازات الەم قۇرۋ جولىندا الداعى قادامداردى انىقتايتىن مۇمكىندىكتەرى اتاپ وتىلگەن.
باراك وباما پرەزيدەنت نۇرسۇلتان نازارباەۆپەن سەۋلدەگى كەزدەسۋ كەزىندە ەكىجاقتى قارىم-قاتىناستار مەن حالىقارالىق ارەناداعى قازاقستاندىق-امەريكالىق ىنتىماقتاستىق تاقىرىبى تالقىلاناتىنىنا سەنىم بىلدىرگەن.