كەشە مەملەكەت باسشىسى نۇرسۇلتان نازارباەۆ قازاقستان رەسپۋبليكاسىنداعى ورىس پراۆوسلاۆيە شىركەۋى ميتروپوليتتىك وكرۋگىنىڭ باسشىسى, استانا جانە قازاقستان ءميتروپوليتى الەكساندردى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ميتروپوليت الەكساندر ءدىندارلار اتىنان پرەزيدەنتكە پراۆوسلاۆيە شىركەۋىنە كوڭىل ءبولىپ وتىرعانى ءۇشىن العىس ايتتى.
– 2011 جىل – قازاقستان ءۇشىن ەرەكشە جىل, بۇل مەرەيتويلىق جىل, ءبىزدىڭ مەملەكەتىمىزدىڭ تاۋەلسىزدىگىنىڭ 20 جىلدىعى جىلى. قازاقستان ءبۇگىندە ءارتۇرلى كونفەسسيا ادامدارى, ءارتۇرلى ۇلتتار بەيبىت ءومىر ءسۇرىپ جاتقان, تولەرانتتىلىق, ترانسپارەنتتىلىك, بەيبىتشىلىك پەن كەلىسىم ساقتالعان ەرەكشە ەل, بۇل بوس سوزدەر ەمەس, تولىق ماعىناسىنا يە سوزدەر. پرەزيدەنتتىڭ ەڭبەگى وسىندا. وسىعان بايلانىستى كەيبىر ماسەلەلەر ءبىزدىڭ ۇلت كوشباسشىسىمەن بولعان كەزدەسۋىمىز بەن بۇگىنگى تالقىلاۋىمىزدىڭ تاقىرىبى بولدى. ادام ءۇشىن اشىق اسپاننان, بەيبىت ءومىردەن, بەرەكەگە ۇمتىلۋدان ارتىق ەشتەڭە جوق. ادامدار اراسىنداعى جىلى, شىنايى ادامي قارىم-قاتىناستارعا ەشتەڭە جەتپەيدى. بەيبىتشىلىك پەن كەلىسىم – بۇل ەجەلدەن بەرەكە سيمۆولى. ءبىزدىڭ پرەزيدەنتىمىز بۇل تۋرالى ۇنەمى ايتىپ كەلەدى. دۇرىس پىكىردەگى ادام قوعامداعى كەلىسىم ءتارىزدى مۇنداي ادامي قارىم-قاتىناستاردىڭ پايدا بولۋىنا بايلانىستى بارلىق نارسەگە تولىق قاتىسىپ, قولداپ وتىرۋى قاجەت. وسى ورايدا نۇرسۇلتان ءابىش ۇلىنىڭ ەڭبەگى زور. قازاقستان بۇل رەتتە ناقتى باعىت ۇستانىپ, سەنىمدى قادام جاساپ كەلەدى. اينالاعا قاراڭىزشى – ءتوڭىرەگىمىزدە قان توگىلۋدە, ەتنوسارالىق جانە دىنارالىق قارىم-قاتىناستار جاقسى ەمەس, ال بىزدە – كونفەسسياارالىق جانە ۇلتارالىق كەلىسىم ساقتالعان. بۇل – يسلام كوشباسشىلارىنىڭ, اتاپ ايتقاندا, باس ءمۇفتيدىڭ ەڭبەگى, بۇل – مەملەكەتتىڭ دۇرىس ۇستانىمى, بۇل – ورىس پراۆوسلاۆيە ءشىركەۋىنىڭ دۇرىس ۇستانىمى. تەك بىرگە, تەك بىرلەسە وتىرىپ ءبىز وتانىمىز بەن ادامداردىڭ يگىلىگى ءۇشىن پايدامىزدى تيگىزە الامىز. بۇل ماسەلەلەردى ءبىز تاعى دا ەلوردامىز استانادا وتەتىن الەمدىك جانە ءداستۇرلى دىندەردىڭ كەزەكتى 4-سەزى قارساڭىندا تالقىلادىق, – دەدى جۋرناليستەرگە ارنالعان بريفينگ بارىسىندا ميتروپوليت.