ەكىجاقتى مەموراندۋمعا قول قويىلدى

كورەيا رەسپۋبليكاسىنىڭ پرەزيدەنتى لي ميون باكتىڭ وتانىمىزعا رەسمي ساپارى اياسىندا قازاقستان رەسپۋبليكاسىنىڭ دەنساۋلىق ساقتاۋ مينيسترلىگىندە مينيستر ساليدات قايىربەكوۆا مەن كورەيا رەسپۋبليكاسىنىڭ دەنساۋلىق ساقتاۋ ءمينيسترى چين سۋ حي اراسىندا مەموراندۋمعا قول قويىلدى. سونىمەن قاتار, ۇلتتىق عى­لى­مي مەديتسينالىق ورتالىق پەن سەۋل ۋنيۆەرسيتەتىنىڭ, ۇلتتىق مەديتسينالىق حولدينگ پەن سەۋل ۋنيۆەرسيتەتىنىڭ اۋرۋحانالارى, س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى مەن كورەيا مەديتسينا مەكتە­بى­نىڭ كاتوليك ۋنيۆەرسيتەتى, ءال-فارابي اتىنداعى قازاق ۇلتتىق ۋنيۆەرسيتەتى مەن «كورە» ۋنيۆەر­سي­تەتىنىڭ مەديتسينالىق ورتالى­عى, «حيمفارم» اق جانە «JW PHARMACEUTICAL CORPORA­TI­ON» كورپوراتسياسى, «سەدجون ەۋرازيا» حالىقارالىق مەديتسي­نا­لىق كلينيكاسى» جانە «Hye­won Medical Foundation «Sejong General Hospital» كومپانياسى اراسىندا ىنتىماقتاستىق جانە ءوز­ارا تۇسىنىستىك جونىندە مەموراندۋم جاسالدى. ەكىجاقتى كەزدەسۋلەردە اۋقىم­دى ماسەلەلەر بويىنشا بايلا­نىس­تاردى دامىتۋعا قاتىستى پىكىر الماسۋلار بولدى. تاراپتار دياگنوستيكا جانە اۋرۋلاردى ەمدەۋدە جوعارى تەحنولوگيالاردى پايدالانۋ, قازاق ەلى ازاماتتارىن كورەيا اۋرۋحانالارىنا دياگنوستيكادان وتۋگە جانە ەمدەۋگە جىبەرۋ, مەديتسينا ماماندارىنىڭ ءبى­لىكتىلىگىن ارتتىرۋ, وقۋ كۋرس­تا­رىن وتكىزۋگە جەتەكشى كورەي ما­ماندارىن تارتۋ, اعزا الماستىرۋ, جاسۋشا جانە اعزا يممۋنو­لو­گيا­سى سالاسىندا عىلىمي زەرتتەۋلەر جۇرگىزۋ سياقتى ماسەلەلەر بوي­ىن­شا پىكىر الماستى. سۇلەيمەن مامەت.