التىن القاپتاعى قاربالاس

اقمولا وبلىسىنىڭ ديقاندارى بيىل 4,5 ميلليون گەكتار ەگىننەن مول ءونىم الۋعا ءۇمىتتى. اۋىل شا­رۋا­شىلىعى قۇرىلىمدارى ءۇستىمىز­دە­گى جىلى ءداندى داقىلدار القابىن بىلتىرعىعا قاراعاندا 124,6 مىڭ, مايلى داقىلدار اۋماعىن 61,8 مىڭ گەكتارعا ۇلعايتتى. ناۋقان سىنىنا 9 مىڭنان استام كومباين جۇمىل­دى­رىلسا, مۇنىڭ 923-ءى شەتەلدىك قۋاتتى تەحنيكالار. جاڭا ەگىننىڭ اس­تىعىن قابىلداۋعا 544 مەحاني­كا­لىق قىرمان, 612 اۆتوتارازى, 167 دانا ءدان كەپتىرگىش دايىندالدى. مۇنىڭ ءوزى بىتىك ەگىندى قىسقا مەرزىمدە ءارى ىسىراپسىز جيناپ الۋعا مۇمكىندىك بەرەدى. كەشە العاشقى بولىپ وراققا كىرىسكەن جارقايىڭ اۋدانى 508222 گەكتارعا ءداندى جانە بۇرشاق داقىل­دارىن ەككەن ەدى. اسىرەسە, «ينتەرناتسيونال استانا», «كەن-م», «اق­تو­بە-و» جاۋاپكەرشىلىگى شەكتەۋلى سەرىكتەستىكتەرىندە ەگىن جيناۋ قار­قىندى جۇرگىزىلۋدە. ينتەرناتسيو­نال­­دىق مەحانيزاتورلار ءبىر كۇندە 2000 گەكتاردىڭ ەگىنىن دەستەگە جى­عىپ, 200 گەكتاردىڭ استىعىن باس­تىر­دى. قازىرشە گەكتار تۇسىمدىلىگى 14 تسەنتنەردەن اينالۋدا. ال, قال­عان ەكى شارۋاشىلىقتا سايكەسىنشە 360 جانە 450 گەكتار القاپتىڭ ەگىنى جينالدى. بۇلاردا گەكتار بەرەكەلىلىگى 27 تسەنتنەر بولىپ وتىر. باقبەرگەن امالبەك, اقمولا وبلىسى, جارقايىڭ اۋدانى.