ىشكى ىستەر ورگاندارى قابىلداۋ-تاراتۋ ورىندارىنىڭ قىزمەتىن ۇيىمداستىرۋ ەرەجەسى
1. جالپى ەرەجەلەر
1. وسى ىشكى ىستەر ورگاندارى قابىلداۋ-تاراتۋ ورىندارىنىڭ قىزمەتىن ۇيىمداستىرۋ ەرەجەسى (بۇدان ءارى – ەرەجە) «قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ادامداردى ۇستاۋ ءتارتىبى مەن شارتتارى تۋرالى» قازاقستان رەسپۋبليكاسى زاڭىنىڭ (بۇدان ءارى – زاڭ) 9-1-بابىنا سايكەس ازىرلەندى جانە ۇستاۋ رەجيمىن قامتاماسىز ەتۋ ماقساتىندا ىشكى ىستەر ورگاندارىنىڭ قابىلداۋ-تاراتۋ ورىندارى قىزمەتىنىڭ ءتارتىبىن جانە ونى ۇيىمداستىرۋدى رەتتەيدى. 2. قابىلداۋ-تاراتۋ ورىندارى بەلگىلى ءبىر تۇرعىلىقتى جەرى جانە جەكە باسىن كۋالاندىراتىن قۇجاتتارى جوق ادامداردىڭ ءىس-ارەكەتتەرىندە اكىمشىلىك قۇقىق بۇزۋشىلىقتار مەن قىلمىستار بەلگىلەرى بولماعان جانە ولاردىڭ جەكە باسىن وزگە دە تاسىلدەرمەن انىقتاۋ مۇمكىن بولماعان جاعدايلاردا ولاردى قابىلداۋعا جانە ۇستاۋعا ارنالعان. 3. قابىلداۋ-تاراتۋ ورىندارىنىڭ نەگىزگى مىندەتى بەلگىلى ءبىر تۇرعىلىقتى جەرى جانە (نەمەسە) جەكە باسىن كۋالاندىراتىن قۇجاتتارى جوق ادامداردى انىقتاۋ, جەكە باسىن انىقتاۋ, ولاردى قىلمىس جاساعان, انىقتاۋ, تەرگەۋ جانە سوت ورگاندارىنان جاسىرىنعان, ىزدەستىرۋدەگى, حابار-وشارسىز كەتكەن ادامدارمەن سايكەستەندىرۋ جانە كەيىننەن ءتيىستى ورگاندار مەن مەكەمەلەرگە بەرۋ ءۇشىن قابىلداۋ-تاراتۋ ورىندارىنا ورنالاستىرۋ بولىپ تابىلادى. 4. قابىلداۋ-تاراتۋ ورىندارىندا ۇستالاتىن ادامداردىڭ قاۋىپسىزدىگىن قامتاماسىز ەتەتىن جانە ولاردىڭ ءوز ەركىمەن كەتۋ مۇمكىندىگىن بولدىرمايتىن رەجيم ورناتىلادى. قابىلداۋ-تاراتۋ ورىندارىندا رەجيمدى قامتاماسىز ەتۋ قابىلداۋ-تاراتۋ ورنىنىڭ اكىمشىلىگى مەن قىزمەتكەرلەرىنە جۇكتەلەدى. 5. قابىلداۋ-تاراتۋ ورىندارىندا ۇستالاتىن ادامداردى كۇزەتۋ جانە رەجيم تالاپتارىن قامتاماسىز ەتۋ ءۇشىن تاۋلىك بويى كەزەكشىلىك پەن پوليتسيا بەكەتتەرى ورناتىلادى. قابىلداۋ-تاراتۋ ورنىندا ۇستالاتىن ادامداردى كۇزەتۋ بويىنشا قىزمەت وتكەرۋ ءۇشىن ناريادقا تاعايىندالاتىن قىزمەتكەرلەرگە قارۋ بەرىلمەيدى. قابىلداۋ-تاراتۋ ورنىنان قاشقان ادامدى ۇستاۋ كەزىندە «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ زاڭىنا سايكەس قارۋ قولدانىلمايدى. قابىلداۋ-تاراتۋ ورنىنا ورنالاستىرىلعان ادامدارعا «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ زاڭىنا سايكەس كۇش پەن ارنايى قۇرالدار قولدانىلۋى مۇمكىن. 6. بەلگىلى ءبىر تۇرعىلىقتى جەرى جانە جەكە باسىن كۋالاندىراتىن قۇجاتتارى جوق ادامداردى انىقتاۋدى, ولاردى قابىلداۋ-تاراتۋ ورنىنا جەتكىزۋدى ىشكى ىستەر ورگاندارىنىڭ قىزمەتكەرلەرى جۇزەگە اسىرادى. 7. قابىلداۋ-تاراتۋ ورىندارىندا مەديتسينا قىزمەتكەرلەرى ولاردا ۇستالاتىن ادامدارعا مەديتسينالىق كومەك كورسەتۋدى, مەملەكەتتىك سانيتارلىق-ەپيدەميولوگيالىق نورمالار مەن ەرەجەلەردىڭ ورىندالۋىن باقىلاۋدى ۇيىمداستىرادى جانە جۇزەگە اسىرادى. ەمدەۋ-پروفيلاكتيكالىق جانە سانيتارلىق-ەپيدەمياعا قارسى جۇمىس ماسەلەلەرى بويىنشا قابىلداۋ-تاراتۋ ورىندارىنىڭ قىزمەتىن ادىستەمەلىك قامتاماسىز ەتۋدى قازاقستان رەسپۋبليكاسى ىشكى ىستەر مينيسترلىگىنىڭ تىل دەپارتامەنتى, استانا, الماتى قالالارىنىڭ, وبلىستارداعى ىشكى ىستەر دەپارتامەنتتەرىنىڭ مەديتسينا قىزمەتتەرى جانە دەنساۋلىق ساقتاۋ سالاسىنداعى ۋاكىلەتتى ورگان جۇزەگە اسىرادى. 8. قابىلداۋ-تاراتۋ ورىندارىن پايدالانۋ بەلگىلى ءبىر تۇرعىلىقتى جەرى جانە (نەمەسە) جەكە باسىن كۋالاندىراتىن قۇجاتتارى جوق ادامداردى قاۋىپسىز ۇستاۋ ءۇشىن جارامدى, سانيتارلىق-گيگيەنالىق نورمالار مەن ءورت قاۋىپسىزدىگى تالاپتارىنا جاۋاپ بەرەتىن ءۇي-جايلار بولعان جاعدايدا عانا رۇقسات ەتىلەدى. 9. قابىلداۋ-تاراتۋ ورنىنىڭ قىزمەتى توقسانعا قۇراستىرىلاتىن جانە ىشكى ىستەر دەپارتامەنتى باستىعىنىڭ جەتەكشىلىك ەتەتىن ورىنباسارى بەكىتەتىن جوسپار بويىنشا قۇرىلادى. قابىلداۋ-تاراتۋ ورنىنىڭ قىزمەتىن ۇيىمداستىرۋ قابىلداۋ-تاراتۋ ورنىنىڭ باستىعىنا جۇكتەلەدى. 10. قابىلداۋ-تاراتۋ ورنىنىڭ باستىعى: 1) بولىنىسكە جۇكتەلگەن مىندەتتەردى ورىنداۋدى قامتاماسىز ەتەدى جانە ونىڭ قىزمەتىن جەتىلدىرۋ بويىنشا شارالار قابىلدايدى; 2) قاراماعىنداعى قىزمەتكەرلەر مەن جۇمىسكەرلەردى ىرىكتەۋ, ورنالاستىرۋ جونىندەگى جۇمىستى ۇيىمداستىرادى; 3) قىزمەتكەرلەردىڭ قىزمەتتىك جۇمىسىن باقىلاۋدى جۇزەگە اسىرادى جانە قابىلداۋ-تاراتۋ ورنىنىڭ قىزمەتىندە زاڭدىلىقتى قامتاماسىز ەتۋ بويىنشا شارالار قابىلدايدى; 4) ءوزىنىڭ قىزمەتكەرلەرى مەن قابىلداۋ-تاراتۋ ورنى جۇمىسكەرلەرىنىڭ لاۋازىمدىق مىندەتتەرىن ازىرلەيدى جانە ولاردى ىشكى ىستەر ورگانى باستىعىندا بەكىتەدى; 5) قابىلداۋ-تاراتۋ ورنىنىڭ قىزمەتكەرلەرىمەن تاربيە جۇمىسىن, قىزمەتتىك, جاۋىنگەرلىك جانە دەنە شىنىقتىرۋ دايىندىعىن ۇيىمداستىرادى جانە وتكىزەدى; 6) ىقپال ەتۋ شارالارىن قولدانۋ جانە قابىلداۋ-تاراتۋ ورنىنا ورنالاستىرىلعان ادامداردى بوساتۋ تۋرالى قاۋلىلاردى بەكىتەدى; 7) ىشكى ىستەر ورگاندارىنىڭ بەلگىلى ءبىر تۇرعىلىقتى جەرى جانە (نەمەسە) جەكە باسىن كۋالاندىراتىن قۇجاتتارى جوق ادامداردى انىقتاۋ بويىنشا ءىس-شارالار وتكىزۋىنە قاتىسادى; 8) ورنالاستىرىلعان ادامداردى تەكسەرۋ جانە ولاردىڭ اراسىنان ىزدەستىرۋدەگى ادامداردى انىقتاۋ جانە ولار جاساعان قىلمىستاردى اشۋ جونىندەگى جۇمىستى ۇيىمداستىرادى; 9) قابىلداۋ-تاراتۋ ورنى جۇمىسىنىڭ جاي-كۇيىن تالدايدى جانە ناتيجەلەرى تۋرالى ىشكى ىستەر ورگانىنىڭ باستىعىنا حابارلايدى, بەلگىلى ءبىر تۇرعىلىقتى جەرى جانە (نەمەسە) جەكە باسىن كۋالاندىراتىن قۇجاتتارى جوق ادامداردىڭ ساناتىمەن كۇرەستەگى جۇمىستى جاقسارتۋعا باعىتتالعان ۇسىنىستار ەنگىزەدى; 10) قابىلداۋ-تاراتۋ ورنىندا ۇستالاتىن ادامدارمەن قۇقىققا قارسى ارەكەتتەردى توقتاتۋعا ىقپال ەتەتىن جەكە اڭگىمەلەسۋلەر وتكىزەدى; 11) قابىلداۋ-تاراتۋ ورنىن ۇستاۋعا ارنالعان سمەتانى ازىرلەيدى, ونى قاجەتتى قۇرال-جابدىقپەن, مۇكاممالمەن جانە اۆتوكولىكپەن قامتاماسىز ەتۋ بويىنشا شارالار قابىلدايدى; 12) قابىلداۋ-تاراتۋ ورنىنىڭ قىزمەتكەرلەرى مەن جۇمىسكەرلەرىنىڭ الەۋمەتتىك-تۇرمىستىق جاعدايلارىن جاقسارتۋ بويىنشا شارالار قابىلدايدى; 13) قابىلداۋ-تاراتۋ ورنىنىڭ ءۇي-جايلارىندا سانيتارلىق جاعدايدى, ورنالاستىرىلعان ادامدار مەن توسەك-ورىندى سانيتارلىق وڭدەۋدەن ۋاقتىلى وتكىزۋدى باقىلاۋدى قامتاماسىز ەتەدى; 14) ۇستالاتىن ادامداردىڭ حاتتارى مەن وتىنىشتەرىن, قابىلداۋ-تاراتۋ ورنى قىزمەتكەرلەرى مەن جۇمىسكەرلەرىنىڭ ءىس-ارەكەتىنە شاعىمداردى قابىلدايدى جانە قارايدى, ولاردى تيەسىلىگى بويىنشا جولدايدى; 15) ىشكى ىستەر دەپارتامەنتىنىڭ باسشىلىعىنا قابىلداۋ-تاراتۋ ورنىنىڭ قىزمەتكەرلەرى مەن جۇمىسكەرلەرىن لاۋازىمعا تاعايىنداۋ, جىلجىتۋ جانە لاۋازىمنان بوساتۋ, سونداي-اق ولاردى كوتەرمەلەۋ نەمەسە تارتىپتىك جازاعا تارتۋ تۋرالى ۇسىنىستار ەنگىزەدى, قابىلداۋ-تاراتۋ ورنىنىڭ قىزمەتكەرلەرىنە ارناۋلى اتاقتار بەرۋ تۋرالى ۇسىنىمحاتتار جولدايدى; 16) ماتەريالدىق باعالى زاتتاردىڭ ساقتالۋىنا جانە قابىلداۋ-تاراتۋ ورنىنداعى ءىس جۇرگىزۋگە جاۋاپ بەرەدى; 17) قابىلداۋ-تاراتۋ ورنىنىڭ قىزمەتىندە قۇپيالىلىق رەجيمنىڭ ساقتالۋىن قامتاماسىز ەتەدى; 18) قابىلداۋ-تاراتۋ ورنىنا ورنالاستىرىلعان ادامداردى بەلگىلەنگەن نورمالارعا سايكەس كۇن سايىن ءۇش رەتتىك تاماقپەن قامتاماسىز ەتەدى; 19) قابىلداۋ-تاراتۋ ورنىنىڭ قىزمەتكەرلەرى مەن جۇمىسكەرلەرىنە دەمالىستار بەرەدى. 11. قابىلداۋ-تاراتۋ ورنى باستىعىنىڭ ورىنباسارى ورنالاستىرىلعان ادامداردى ۇستاۋ رەجيمىنە باقىلاۋدى جۇزەگە اسىرادى, ولاردىڭ جەكە باسىن تەكسەرۋ جانە انىقتاۋ, ولاردىڭ اراسىنان ىزدەستىرۋدەگى ادامداردى انىقتاۋ جانە ولار جاساعان قىلمىستاردى اشۋ جونىندەگى ءىس-شارالاردى ۇيىمداستىرادى. باستىق بولماعان كەزدە ونىڭ فۋنكتسيالارىن اتقارادى. 12. قابىلداۋ-تاراتۋ ورنى بويىنشا كەزەكشى قابىلداۋ-تاراتۋ ورنىنىڭ باستىعى مەن ونىڭ ورىنباسارىنا باعىنادى, ولار بولماعان كەزدە قابىلداۋ-تاراتۋ ورنىنىڭ جۇمىسىنا باسشىلىق ەتەدى. كەزەكشى: 1) قابىلداۋ-تاراتۋ ورنىنىڭ باستىعى مەن ونىڭ ورىنباسارىنا بارلىق جەتكىزىلگەن جانە ورنالاستىرىلعان ادامدار تۋرالى باياندايدى; 2) قابىلداۋ-تاراتۋ ورنىنا جەتكىزىلگەن ادامداردى تىركەۋدى جانە ەسەپكە الۋدى جۇرگىزەدى, ولاردى جەكە تەكسەرۋ ءوندىرىسىن, داكتيلوسكوپيالاۋ مەن سۋرەتكە ءتۇسىرۋدى ۇيىمداستىرادى, ولاردىڭ ىشىنەن كامەرا بويىنشا كەزەكشىلەردى تاعايىندايدى; 3) قابىلداۋ-تاراتۋ ورنىنا ورنالاستىرىلعان ادامدارعا تيەسىلى زاتتاردىڭ, قۇجاتتار مەن باعالى زاتتاردىڭ ساقتالۋىن جانە بوساعان كەزدە ولاردى قايتارۋدى قامتاماسىز ەتەدى; 4) قابىلداۋ-تاراتۋ ورنىندا ۇستالاتىن ادامداردى مەديتسينالىق تەكسەرۋدى, سانيتارلىق وڭدەۋدى ۋاقتىلى قامتاماسىز ەتەدى, ولاردىڭ تاماقتانۋىن جانە سەرۋەنگە شىعۋىن ۇيىمداستىرادى; 5) قابىلداۋ-تاراتۋ ورنىنىڭ باستىعىنا قابىلداۋ-تاراتۋ ورنىندا ۇستالاتىن ادامداردىڭ بارلىق شاعىمدارى مەن وتىنىشتەرى تۋرالى ۋاقتىلى باياندايدى. شاعىمدار, ۇسىنىستار مەن حاتتار جازۋ ءۇشىن ورنالاستىرىلعاندارعا جازۋ قۇرالدارىن بەرەدى; 6) ورنالاستىرىلعان ادامداردىڭ ىشكى ءتارتىپ ەرەجەلەرىن قاتاڭ ساقتاۋىن باقىلايدى, بەكەت ناريادىنىڭ قىزمەت وتكەرۋىن ۇدايى باقىلاۋدى جۇزەگە اسىرادى, ورنالاستىرىلعان ادامداردىڭ دەنساۋلىعى ناشارلاعان جاعدايدا مەديتسينا قىزمەتكەرىنە حابارلايدى, ال ول بولماعان جاعدايدا جەدەل جاردەم شاقىرادى جانە شۇعىل مەديتسينالىق كومەك كورسەتەدى. 13. قابىلداۋ-تاراتۋ ورنىنىڭ جەدەل قىزمەتكەرى: 1) ىزدەستىرۋدەگى, حابار-وشارسىز كەتكەن, قىلمىس جاساعان ادامداردى انىقتاۋ, سونداي-اق قابىلداۋ-تاراتۋ ورنىنا ورنالاستىرىلعان ادامداردىڭ جەكە باسىن انىقتاۋ بويىنشا جەدەل-ىزدەستىرۋ جۇمىسىن جۇرگىزەدى; 2) بەلگىلى ءبىر تۇرعىلىقتى جەرى جانە (نەمەسە) جەكە باسىن كۋالاندىراتىن قۇجاتتارى جوق ادامدار شوعىرلانعان جەرلەردى انىقتايدى جانە ولاردى ۇستاۋ بويىنشا رەيدتەر وتكىزۋ تۋرالى ۇسىنىستار ەنگىزەدى; 3) قابىلداۋ-تاراتۋ ورنىنا ورنالاستىرىلعان ادامداردىڭ قاشۋىنىڭ, مۇشەسىن زاقىمداۋىنىڭ, سۋيتسيدتەردىڭ جولىن كەسۋگە, تىيىم سالىنعان زاتتاردى انىقتاۋعا جانە الۋعا باعىتتالعان نيەتتەرىن انىقتايدى. 14. قابىلداۋ-تاراتۋ ورنىنىڭ پوليتسەيى: 1) ورنالاستىرىلعان ادامداردىڭ مىنەز-قۇلقىن ۇدايى قاداعالايدى, ءولىم, ءوزىن-ءوزى ءولتىرۋ نەمەسە دەنە جاراقاتىن كەلتىرۋ جاعدايلارىنىڭ الدىن الۋ بويىنشا شارالار قابىلدايدى; 2) قابىلداۋ-تاراتۋ ورنىنا ورنالاستىرىلعان ادامداردىڭ ىشكى ءتارتىپ ەرەجەلەرىن ساقتاۋىن قامتاماسىز ەتەدى; 3) كەزەكشىمەن بىرگە ورنالاستىرىلعان ادامداردى كۇن سايىن سەرۋەندەۋگە شىعارادى, ولارعا ۆەدوموست بويىنشا تاماق بەرەدى; 4) كۇن سايىن كامەرالاردىڭ جاي-كۇيىن, ولاردىڭ جارامدىلىعىن تەكسەرەدى جانە بايقالعان اقاۋلار تۋرالى قابىلداۋ-تاراتۋ ورنىنىڭ باسشىلىعىنا باياندايدى, ولاردى جويۋ بويىنشا شارالار قابىلدايدى. 2. قابىلداۋ-تاراتۋ ورىندارىن قۇرۋ 15. ىشكى ىستەر ورگاندارىنىڭ قابىلداۋ-تاراتۋ ورىندارى جەرگىلىكتى اتقارۋشى ورگانداردىڭ شەشىمىمەن قۇرىلادى, قايتا ۇيىمداستىرىلادى جانە تاراتىلادى. 16. قابىلداۋ-تاراتۋ ورىندارىن قارجىلاندىرۋ بيۋدجەت قاراجاتى ەسەبىنەن جۇزەگە اسىرىلادى. 3. قابىلداۋ-تاراتۋ ورىندارىنىڭ ءۇي-جايلارى 17. قابىلداۋ-تاراتۋ ورىندارىندا: 1) ەرلەر, ايەلدەر جانە بالالارى بار ايەلدەر, شەتەلدىكتەر جانە ازاماتتىعى جوق ادامدار ءۇشىن, سانيتارلىق تازالاۋدان وتپەگەن جاڭادان تۇسكەندەر, ناۋقاستار ءۇشىن جەكە كامەرالار; 2) قابىلداۋ-تاراتۋ ورنىنىڭ اكىمشىلىگى مەن قىزمەتكەرلەرى ءۇشىن كابينەتتەر; 3) ەلەكتر پليتاسى, سۋ قايناتقىشى, شكافى, ىدىس جۋعا ارنالعان ءۇش بولىكتەن تۇراتىن ۆانناسى (سىيىمدىلىق) بار تاماق جىلىتۋعا ارنالعان بولمە; 4) توسەك-ورىن ساقتاۋعا ارنالعان بولمە; 5) جەكە زاتتاردى ساقتاۋعا ارنالعان بولمە; 6) سانيتارلىق وتكىزگىش, جۋىناتىن بولمەلەر, دەزينفەكتسيالاۋ كامەراسى; 7) كىر جۋاتىن بولمە, سانيتارلىق توراپتار كوزدەلۋى ءتيىس. 18. قابىلداۋ-تاراتۋ ورىندارىنىڭ ىشكى قورشالعان سەرۋەندەۋ الاڭدارى, بولۋى كەرەك, ولار ساكىلەرمەن, ۋرنالارمەن جانە دارەتحانالارمەن جابدىقتالادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 22 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7031 بولىپ ەنگىزىلدى.