زاششيتا ستانتسياسىنىڭ جەلىلىك ىشكى ىستەر بولىمىنە ءبىر ايەل ادام ارىزدانعان بولاتىن. ول «الماتى-زاششيتا» باعىتىمەن جۇرەتىن پوەزد جولسەرىگىنىڭ ءوزىن ەركىنەن تىس كۇشتەپ, زورلاعانى تۋرالى حابارلاعان ەدى. الدىن الا تەرگەۋ جۇمىستارى ءجۇرگىزىلىپ, سوت دارىگەرلىك ساراپتاماسى تاعايىندالدى. تەكسەرىس بارىسىندا ارىزدانۋشىنىڭ كورسەتكەن مالىمەتتەرى دالەلدەنبەدى. ويتكەنى, ايەلدىڭ دەنەسىنەن كۇش قولدانۋدىڭ قانداي دا بولماسىن ىزدەرى تابىلمادى. سوعان وراي ارتىنشا, نەگە ەكەنى بەلگىسىز, ارىزدانۋشىنىڭ ءوزى دە الدىندا زورلادى دەگەن ادامعا ەندى ەشقانداي كىنا ارتپايتىندىعىن ايتىپ, تەرگەۋدى دوعارۋدى سۇراعان قوسىمشا ارىز تۇسىرگەن. ءسويتىپ, جولاۋشىنى زورلادى دەگەن ايىپپەن كۇدىككە الىنعان جولسەرىككە قاتىستى قىلمىستىق ءىستى قوزعاۋدان پوليتسيا باس تارتتى, دەپ حابارلادى ءىىم كولىكتەگى ىشكى ىستەر دەپارتامەنتىنىڭ ءباسپاسوز قىزمەتى.