استانادا ءوتىپ جاتقان قازاقستان-كورەيا بيزنەس-فورۋمىنا قاتىسقان ۇكىمەت باسشىسى كارىم ءماسىموۆ كورەيا رەسپۋبليكاسىنىڭ ينۆەستورلارىن ەلىمىزدىڭ يننوۆاتسيالىق جوبالارىنا قاتىسۋعا شاقىردى.
«يننوۆاتسيالىق جانە تەحنولوگيالىق دامۋ سالالارىنداعى سىزدەردىڭ وزىق تابىستارىڭىزدى ەسكەرە وتىرىپ, مەن ءبىزدىڭ كورەيالىق ارىپتەستەردى قازاقستانداعى يننوۆاتسيالىق جوبالارعا قوسىلۋعا شاقىرامىن», دەدى ۇكىمەت باسشىسى. وسى ورايدا پرەمەر-مينيستر يننوۆاتسيالىق جوبالارعا ەرەكشە ەكپىن بەرىلەتىنىن, سونداي-اق تەحنولوگيالار بارىنشا يگەرىلىپ, عىلىمي جانە زەرتتەۋشىلىك توپتار اراسىندا بايلانىستار كۇشەيە تۇسەتىنىن ايتا وتىرىپ, ەكى ەل اراسىنداعى ءارىپتەستىكتىڭ ۋاقىت سىنىنان ءسۇرىنبەي ءوتىپ كەلە جاتقانىن اتاپ كورسەتتى.
«ەگەمەن-اقپارات».