«باتىس ەۋروپا – باتىس قىتاي» حالىقارالىق جوباسىنىڭ ەلىمىزدىڭ ەكونوميكاسىن دامىتۋداعى ماڭىزى زور بولماق. مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان نازارباەۆ بۇل جوبانى ءبۇكىلحالىقتىق قۇرىلىس دەپ جاريالاعان بولاتىن. ورىندالۋ بارىسى جۇمىس ساپاسى جانە مەردىگەر كومپانيالاردىڭ ەڭبەك زاڭناماسىن ساقتاۋ ماسەلەلەرى نۇروتاندىقتاردىڭ قاداعالاۋىندا.
پارتيانىڭ تىكەلەي قاتىسۋىمەن وڭتۇستىك قازاقستان وبلىسىندا ورىن العان جۇمىسشىلار مەن جۇمىس بەرۋشىلەر اراسىنداعى داۋ-جانجال تىيىلدى. اعىمداعى جىلدىڭ شىلدەسىندە «باتىس ەۋروپا – باتىس قىتاي» كولىك ءدالىزىنىڭ قۇرىلىس ۋچاسكەلەرىنىڭ بىرىندە 50 ادام ءوز جۇمىسىن جالعاستىرۋدان باس تارتتى. سەبەبى مەردىگەر – «ازەركورپۋ/تەپە» ازەربايجان-تۇرىك كومپانياسى قازاقستاندىق جۇمىسشىلاردىڭ قۇقىقتارىن ورەسكەل بۇزدى. «نۇر وتان» جاعدايدىڭ انىق-قانىعىن بىلە باستاعان كەزدە بارلىق كەمشىلىكتەر جويىلىپ, جۇمىسشىلارمەن ەڭبەك كەلىسىم-شارتتارى جاسالدى, ولارعا ارنايى جۇمىس كيىمدەرى بەرىلدى, تەگىن تاماقتاندىرۋ, سۋ جەتكىزۋ جۇمىستارى ۇيىمداستارىلدى.
وڭتۇستىك قازاقستان وبلىسىنا جاساعان جۇمىس ساپارى بارىسىندا «نۇر وتان» پارتياسى توراعاسىنىڭ ءبىرىنشى ورىنباسارى نۇرلان نىعماتۋلين تاسجول ۋچاسكەسىندە بولىپ, قۇرىلىسشىلاردىڭ ەڭبەك جاعدايىمەن تانىستى. قازىرگى ۋاقىتتا مەردىگەر كومپانيا ەڭبەك زاڭناماسىن قاتاڭ ساقتاۋدا. وبەكتىدە «نۇر وتاننىڭ» باقىلاۋ بەكەتى جۇمىس ىستەيدى. جانجال قارالىپ جاتقان كەزدە باستاۋىش پارتيا ۇيىمىن قۇرۋ جايلى جۇمىسشىلاردىڭ كوتەرگەن باستاماسى «نۇر وتان» حدپ وبلىستىق فيليالىنىڭ قولداۋىنا يە بولدى. ۇيىمعا 35 ادام مۇشە.
«نۇر وتان» «باتىس ەۋروپا – باتىس قىتاي» جوباسىن قۇرىلىستىڭ ءبىرىنشى كۇنىنەن باستاپ ءوزىنىڭ باقىلاۋىنا الدى. ءبىزدىڭ ەڭ باستى ماقساتىمىز – وسى اۆتوجول قۇرىلىسىندا جۇمىس ىستەپ جاتقان وتانداستارىمىزدىڭ قۇقىعىن بۇزۋعا جول بەرمەۋ, دەدى ءوزىنىڭ سوزىندە ن.نىعماتۋلين.