كەشە قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى ت.دوناقوۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى قۇقىقتىق ساياسات جونىندەگى كەڭەستىڭ كەزەكتى وتىرىسى بولىپ ءوتتى.
كەڭەستە رۇقسات قۇجاتتارىن الۋدىڭ جانە قىسقارتۋدىڭ بىرىڭعاي جەڭىلدەتىلگەن ءتارتىبىن بەلگىلەۋ, ولاردىڭ بىرىڭعاي ءتىزىمىن جاساۋ, سونداي-اق باقىلاۋ-قاداعالاۋ فۋنكتسيالارىن وڭتايلاندىرۋ ءجونىندەگى زاڭنامانى جەتىلدىرۋ تۋرالى ماسەلە قاراستىرىلدى. ودان باسقا, مۇندا قىلمىستىق-اتقارۋ جۇيەسىن جەتىلدىرۋگە قاتىستى ماسەلەلەر دە قارالدى. اتالعان ماسەلەلەر بويىنشا ەكونوميكالىق دامۋ جانە ساۋدا, سونداي-اق ادىلەت مينيسترلىكتەرىنىڭ اقپاراتى تىڭدالدى.
وتكىزىلگەن قۇقىقتىق ساياسات جونىندەگى كەڭەس وتىرىسىنىڭ ۇسىنىمدارى قازاقستان رەسپۋبليكاسىنىڭ زاڭناماسىن جانە قۇقىق قىزمەتىن ءارى قاراي جەتىلدىرۋدە ەسكەرىلەتىن بولادى.
«ەگەمەن-اقپارات».