الەمدەگى ەڭ ءىرى مۇناي-گاز كوندەنساتتى كەن ورىندارىنىڭ ءبىرى – قاراشىعاناق كەن ورنىن يگەرۋشى «قاراشىعاناق پەتروليۋم وپەرەيتينگ ب.ۆ.» (قپو) حالىقارالىق كونسورتسيۋمى قازاقستان استاناسىندا جوبالاردى دامىتۋ ديرەكتوراتىنىڭ ءوفيسىن اشتى. كومپانيانىڭ وپەراتسيالىق ءوفيسى باتىس قازاقستان وبلىسىنىڭ اقساي قالاسىندا ورنالاسقان. ونى اشۋ راسىمىندە قپو باس ديرەكتورى دجۋزەپپە پازي «جاڭا وفيس استانانىڭ ءدال ورتاسىندا قونىس تەۋىپ, بارلىق وكىلەتتى ورگاندارمەن بىرگە قپو مەن قازاقستان رەسپۋبليكاسىنىڭ اراسىنداعى ۇنقاتىسۋدىڭ جاڭا كەزەڭىن دامىتۋعا جاردەمدەسەتىن جانە قاراشىعاناق كەن ورنىن ودان ءارى يگەرۋدىڭ جوسپارلارىن تالقىلاۋ شەڭبەرىندەگى بايلانىستاردى جەڭىلدەتەتىن بولادى» دەدى.
ءوفيستىڭ اشىلۋ راسىمىنە قپو باسشىلىعىمەن بىرگە «PSA» جشس باس ديرەكتورى بولات اقشولاقوۆ, كونسورتسيۋم قىزمەتكەرلەرى جانە قازاقستاندىق مەردىگەر كومپانيالار قاتىستى. جوبالاردى دامىتۋ ديرەكتوراتىنىڭ جاڭا ءوفيسى «استانا تاۋەر» بيزنەس ورتالىعىنىڭ ونىنشى قاباتىندا ورنالاسقان.
ونىڭ اشىلۋ راسىمىندە دجۋزەپپە پازي قپو-نىڭ جوبالاردى دامىتۋ جونىندەگى ديرەكتورى لاۋازىمىنا تاياۋدا تاعايىندالعان البەرتو مەانتيدى تانىستىردى. ول جاۋىق ارادا استاناعا ءوزىنىڭ وتباسىمەن بىرگە كوشىپ كەلمەك. جاقىن كۇندەرى وفيس تۇراقتى قىزمەتكەرلەرمەن تولىق جاساقتالىپ, جۇمىستارىن باستايتىن بولادى.
ونىمدەردى ءبولۋ بويىنشا نەگىزگى كەلىسىمگە قول قويىلعان ساتتەن باستاپ, قپو كونسورتسيۋمىنىڭ قاتىسۋشى-كومپانيالارى ەڭ وزىق ونەركاسىپتىك تەحنولوگيالاردى پايدالانا وتىرىپ, قاراشىعاناق كەن ورنىن يگەرۋگە 16 ميلليارد دوللارداي ينۆەستيتسيا قۇيدى. 2010 جىلى كەن ورنىندا 133,4 ميلليون باررەل مۇناي ەكۆيۆالەنتى ءوندىرىلدى.
قپو «بي دجي گرۋپپ» (قاتىسۋدىڭ 32,5%), «ەني» (32,5%), «شەۆرون» (20%) جانە «لۋكويل» (15%) بىرلەسكەن كاسىپورنى بولىپ تابىلادى. قپو قاراشىعاناق كەن ورنىن يگەرۋگە جانە دامىتۋعا باسشىلىق جاسايدى.
مارات اققۇل.