وتكەن جىلى سەرجانتتار قۇرامىنىڭ كوماندالىق بۋىنىنىڭ كاسىبي دايارلىعىن كوتەرۋ ماقساتىندا قورعانىس ءمينيسترىنىڭ ءبىرىنشى ورىنباسارى – شتابتار باستىقتارى كوميتەتىنىڭ توراعاسى, گەنەرال-لەيتەنانت س.جاسۇزاقوۆتىڭ ۇتقىر وقۋ-جاتتىقتىرۋ توپتارىن (ۇوجت) قۇرۋ تۋرالى شەشىمى قابىلدانعان بولاتىن. بۇل سەرجانتتاردى وقىتۋ جوسپارىنداعى ەڭ ناتيجەلى جاڭالىقتاردىڭ ءبىرى بولدى.
ۇتقىر وقۋ-جاتتىقتىرۋ توپتارىنىڭ ارقايسىسى 8 ادامنان, سەرجانتتار اراسىنان جەكە پاندەر بويىنشا ەرەكشە دايىندالعان, بارلىعى 54 ادامدى قۇرايتىن, اسكەر تەكتەرى مەن وڭىرلىك قولباسشىلىقتاردىڭ سەرجانتتارىنان قۇرالدى. بۇل توپتاردى دايىنداۋ ءۇشىن سەرجانتتاردى جاۋىنگەرلىك دايارلىق پاندەرى بويىنشا ساباقتاردى وتكىزۋ ادىستەمەسىن ۇيرەتكەن قورعانىس مينيسترلىگى كادەت كورپۋسىنان ەڭ جاقسى وقىتۋشى-ادىسكەرلەردى تارتۋمەن وقۋ-ادىستەمەلىك كۋرستارى ۇيىمداستىرىلدى. دايىندالعان توپتاردى گارنيزوندارعا ورنالاستىرا وتىرىپ, سەرجانتتار قۇرامىنىڭ جيىنىن وزدەرىنىڭ بىلىمدەرى مەن جەتىستىكتەرىن سارالاي كەلىپ, روتالار (باتارەيالار) سەرجانتتارى ساناتتارىن وقىتتى, ال بۇل – 600-گە جۋىق ادام.
تاعى ءبىر جاڭالىق, وتكەن جىلعى وڭ ءتاجىريبەلەردى ەسكەرە وتىرىپ, ىسساپارلىق شىعىندارعا قارجى قۇرالدارىنىڭ ۇنەمدىلىگىن جانە وقىعانداردىڭ كوپ كولەمىن قامتۋ ماقساتىندا 18 اسكەري گارنيزوندا 144 ادامنان تۇراتىن ۇوجت قۇرىلدى. قازىرگى كەزدە وسى گارنيزونداردىڭ ارقايسىسىندا ۇوجت كۇشىمەن ۆزۆود سەرجانتتارىمەن جانە بولىمشە كومانديرلەرىمەن وقۋ-ادىستەمەلىك كۋرستارى جۇرگىزىلۋدە. وسىلاي جازعى وقۋ كەزەڭىندە «بولىمشە-ۆزۆود» سەرجانتتارىنىڭ بۋىنىنان تاعى 600-گە جۋىعىن وقىتۋ جوسپارلانىپ وتىر.
«ەگەمەن-اقپارات».