باس پروكۋروردىڭ ورىنباسارى اسقار سەكىشەۆ «ونلاين» رەجيمىندە ازاماتتاردى قابىلداۋ ءجۇرگىزدى. مۇنداي فورماتتا ازاماتتاردى قابىلداۋ باس پروكۋراتۋرادا ءبىرىنشى رەت وتكىزىلدى. وبلىس پروكۋرورلارىنىڭ ورىنباسارلارى مەن جەرگىلىكتى پروكۋراتۋرا ورگاندارىنىڭ جاۋاپتى قىزمەتكەرلەرىنىڭ قاتىسۋىمەن وتكەن «ونلاين»-قابىلداۋدا باس پروكۋروردىڭ ورىنباسارىنا بەينەكونفەرەنتسيالىق بايلانىس ارقىلى الماتى قالاسى, اقمولا جانە قوستاناي وبلىستارىنىڭ تۇرعىندارى شاعىمدارىن جەتكىزدى. قابىلداۋ ءجۇرگىزۋدىڭ وسىنداي ءتۇرى ازاماتتار تاراپىنان وڭ باعالاندى.
ءوتىنىش بەرۋشىلەردىڭ سۇراقتارى مۇقيات تىڭدالدى. بارلىق ارىزدار زەردەلەنىپ, شاعىمدانۋشىلاردىڭ بۇزىلعان قۇقىقتارىن قايتادان قالپىنا كەلتىرۋ جانە ايىپتىلاردى زاڭمەن بەلگىلەنگەن جاۋاپكەرشىلىككە تارتۋ بويىنشا تۇبەگەيلى شارالار قولدانۋ ءجونىندە ناقتى تاپسىرمالار بەرىلدى, دەپ حابارلادى باس پروكۋراتۋرانىڭ ءباسپاسوز قىزمەتى.