جۋرناليستيكانىڭ وزەكتى ماسەلەلەرى تالقىلاندى

زامان تالابىنا ساي جۋرناليست ماماندارىن ساپالى داي­ىن­داۋدى ءتيىمدى جۇرگىزۋ ماقساتىندا باس قوسقان وتىرىسقا ەلىمىزدەگى بۇ­قارالىق اقپارات قۇرالدارى­نىڭ باسشىلارى مەن بەلگىلى جۋر­ناليستەر, سونداي-اق شەتەلدىك عا­لىمدار دا قاتىستى.

وندا العاشقى ءسوز كەزەگىن ال­عان ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەك­تورى باقىتجان ءابدىرايىموۆ جۋر­­ناليستەردى ءتول مەرەكەسىمەن قۇت­تىق­تاي كەلە, وقۋ ورداسىنىڭ شەتەلدىك ارىپتەستەرمەن تاجى­ري­بە ال­ماسۋدى جۇزەگە اسىرىپ جات­قانىنا توقتالدى. سونداي-اق, ول جاقىندا باكۋدە اباي ورتالىعى اشىلعانىن, ازەربايجاندىق جاس­تارعا قازاق ءتىلى ۇيرەتىلە باس­تا­عانىن, كوپ ۇزاماي بۇل ورتالىق قىتايداعى شي-ان ۋنيۆەرسيتەتى مەن شىڭجاڭ ۋنيۆەرسيتەتىندە دە اشىلاتىنىن ايتتى.

وسى ارادا ءبىر ايتا كەتەتىن جايت, جا­قىن­دا ۋنيۆەرسيتەتتىڭ عىلىم جانە حا­لىق­ارالىق بايلانىستار جو­نىن­دەگى پرورەكتورى ب.بەرسىمباي مەن جۋرناليستيكا جانە ساياساتتانۋ فاكۋلتەتىنىڭ دەكانى قاي­رات ساق باستاعان توپ قى­تاي­داعى شىڭ­جاڭ ۋنيۆەرسيتەتىندە ءىسساپاردا بو­لىپ, ەكى جاقتى ىن­تى­ماقتاس­تىق­تى نىعايتۋ جو­نىن­دە­گى مە­مو­ران­دۋمعا قول قويىپ قايت­قان ەكەن.

دوڭگەلەك ۇستەل تاقىرىبىنا باعىت-باعدار بەرىپ وتكەن پرو­فەس­سور, ءباسپاسوز جانە باسپا ءىسى كافەدراسىنىڭ مەڭگەرۋشىسى نا­ما­زالى وماشەۆ ءوز سوزىندە قا­زاقستانداعى جۋرناليستيكا ما­مان­دارىن دايىنداۋداعى وزەكتى ماسەلەلەرگە توقتالدى. «قازاقستاندا جۋرناليستەر داي­ىندايتىن جوعارى وقۋ ورىن­دا­رى جەتەرلىك. بىراق, وندا قانداي ساباقتار وقىتىلادى, ونى كىمدەر وقىتادى دەگەن ماسەلە ەڭ ماڭىزدى. جۋرناليستيكا تەك ءبىر ماماندىق رەتىندە عانا قارالىپ كەلە جاتقاندىقتان, قازىر ءبىز قولدانىپ جۇرگەن وقۋ باع­دار­لا­ماسىنىڭ دۇرىس ەمەستىگىن, كوپ­تەگەن ۇستازداردىڭ ارنايى ما­مان­دانباعانىن ايتقىم كەلەدى. سوندىقتان مەرزىمدى ءباسپاسوز, تەلەراديو جۋرناليستيكاسى, ينتەرنەت نەمەسە ۆيرتۋالدى جۋرناليستيكا دەگەن ءۇش ماماندىق رەتىندە قاراستىرىلسا, ۇتىمدى بولارى ءسوزسىز», دەدى ول.

جۋرناليستيكانى ءۇش ۇلكەن سالاعا ءبولىپ, تەرەڭدەتە ءبىلىم بە­رەتىن تۇركيانىڭ وقۋ باعدار­لاماسىنا توقتالعان ىستامبۇل ۋنيۆەرسيتەتى جۋرناليستيكا فا­كۋلتەتىنىڭ دەكانى, پروفەسسور ايدەمير وكاي تۇركياداعى 55 جۋرناليستيكا فاكۋلتەتىنىڭ جاي-جاپسارىن, ولاردىڭ جىلىنا 5000 ءجۋرناليستى جۇمىسپەن قام­تا­ما­سىز ەتەتىندىگىن ايتتى.

ءوز ەلىندەگى 151 جىلدىق تاريحى بار باس­پاسوزگە ايالداعان ول ءوز ءسوزىن اتاتۇرىكتىڭ: ء«باسپاسوز – ۇلت­تىڭ ورتاق ءۇنى» دەگەن تۇجى­رى­مىمەن قورىتىندىلادى. جۋرناليستيكا كادرلارىن داي­ىنداۋدىڭ ءتۇيىندى ماسەلە­لە­رىنە توقتالعان «ايقىن» گازە­تى­نىڭ باس رەداكتورى نۇرتورە ءجۇ­سىپ جۋرناليستيكا فاكۋلتەتتەرىندە ەكىنشى شەت ءتىلى وقىتىلسا دەگەن ۇسىنىسىن ورتاعا سالسا, «نۇر استانا» گازەتىنىڭ باس رە­داكتورى عابيت مۇسىرەپ قازاق ءتىلىن تەرەڭدەتە وقىتۋدىڭ ماڭىز­دى­لىعىنا ءمان بەردى. قازاقستانداعى جۋرناليس­تي­كا­نىڭ تاعى ءبىر كەم تۇسى – سپورت جۋرناليستەرىن دايىندايتىن ار­نايى مەكتەپتىڭ جوقتىعى ەكەن­دىگىن ءوز سوزىنە ارقاۋ ەتكەن نەسىپ ءجۇنىسباي ارنايى سپورت جۋرنا­ليستەرىنىڭ ازدىعىنان وسى سالا­نىڭ دامۋى باياۋ ەكەنىن, ال «استانا» جۋرنالىنىڭ باس رە­داك­تو­رى ماقسات ءتاج-مۇرات بۇگىنگى كۇن­دە بيلىك پەن باق-تىڭ ارا-جىگىن اجىراتا الماي جۇرگەن­دى­گى­مىز­دى تىلگە تيەك ەتتى.

ساياسي ينستيتۋتتار جۇيە­سىن­دە­گى باق تاقىرىبى كەڭىنەن تال­قى­لانعان باسقوسۋدىڭ سوڭى ا.سەيدىمبەك اتىنداعى جۋرنا­ليس­تەردىڭ بيلياردتان تۋرنيرىنە جالعاسىپ, كەش تۋرنير جەڭىم­پاز­دارىن ان­ىقتاۋمەن اياقتالدى.

مايگۇل سۇلتان