وتكەن سەنبىدە پرەمەر-مينيستر كارىم ءماسىموۆتىڭ قاتىسۋىمەن ۇلتتىق مەديتسينالىق حولدينگ بازاسىندا رەسپۋبليكالىق سانيتارلىق اۆياتسيانى ۇيلەستىرۋ ورتالىعىنىڭ تانىستىرىلىمى بولىپ ءوتتى. وعان ءتورت مينيستر قاتىسىپ, ارنايى بۇيرىققا قول قويدى.
مەملەكەت باسشىسى ن.نازارباەۆتىڭ تاپسىرماسىنا سايكەس, حالىقتىڭ دەنساۋلىعىن نىعايتۋ باعىتىندا كوپتەگەن ءىس-شارالار جۇزەگە اسىرىلۋدا. سونىڭ ءبىرى ەلدەگى دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسى.
وسى باعدارلاما اياسىندا مەديتسينالىق كولىك اۆياتسياسىن دامىتۋ ەسەبىنەن ەلىمىزدىڭ الىس جانە بارۋ جولى قيىن اۋداندارىندا تۇراتىن حالىققا كورسەتىلەتىن مەديتسينالىق كومەكتى ساپالىق جاڭا دەڭگەيگە كوتەرۋ ءىسى ءتورت جىلدىق باعدارلامانىڭ العاشقى جىلىندا-اق ءوز ناتيجەسىن بەرىپ وتىر. ول ءۇشىن رەسپۋبليكالىق بيۋدجەت قاراجاتى ەسەبىنەن 50 جىلجىمالى مەديتسينالىق كەشەن (ونىڭ 11-ءى قازىرگى ۋاقىتتا تۇرعىندارعا كونسۋلتاتيۆتىك كەڭەس بەرۋدە), 16 تىكۇشاق ساتىپ الۋ, 3 پويىز-ەمحانانى ىسكە قوسۋ جونىندە شەشىم قابىلدانعان. جىلجىمالى مەديتسينالىق كومەك اياسىندا «ءجاردەم», «دەنساۋلىق» پويىزدارىنىڭ ەلىمىزدىڭ شالعاي ايماقتارى تۇرعىندارىنا جوعارى مەديتسينالىق كومەك كورسەتۋىنىڭ ماڭىزى زور.
ەلباسىنىڭ تاپسىرماسىن ورىنداۋ ماقساتىندا استانا قالاسىنداعى ۇلتتىق مەديتسينالىق حولدينگ بازاسىندا رەسپۋبليكالىق سانيتارلىق اۆياتسيانى ۇيلەستىرۋ ورتالىعىنىڭ تانىستىرىلىمىنا دەنساۋلىق ساقتاۋ ءمينيسترى س.قايىربەكوۆا, ىشكى ىستەر ءمينيسترى ق.قاسىموۆ, توتەنشە جاعدايلار ءمينيسترى ۆ.بوجكو, سونداي-اق, كولىك جانە كوممۋنيكاتسيا ءمينيسترى ب.قاماليەۆ قاتىستى. كەزدەسۋ بارىسىندا اتالعان ءتورت مينيسترلىك جول اپاتى كەزىندە العاشقى مەديتسينالىق كومەك كورسەتۋ ءۇشىن بىرىگىپ جۇمىس ىستەۋ نەگىزىندەگى بۇيرىققا قول قويدى. سانيتارلىق اۆياتسيانى دامىتۋداعى باستى ماقسات – رەسپۋبليكالىق جانە وبلىستىق ماڭىزى بار تراسسالاردا جول-كولىك اپاتتارى كەزىندە زارداپ شەككەندەرگە شۇعىل مەديتسينالىق كومەك كورسەتۋ. بۇل رەتتە, دەنساۋلىق ساقتاۋ مينيسترلىگى زارداپ شەككەندەرگە مەديتسينالىق كومەك كورسەتسە, توتەنشە جاعدايلار مينيسترلىگى قاجەت بولعان جاعدايدا دارىگەرلەردى تىكۇشاقپەن قامتاماسىز ەتىپ, وقيعا ورنىنان زارداپ شەككەن ادامدى جەدەل تۇردە وبلىستىق نەمەسە رەسپۋبليكالىق ماڭىزى بار اۋرۋحانالارعا جەتكىزبەك. ال, ىشكى ىستەر جانە كولىك جانە كوممۋنيكاتسيا مينيسترلىكتەرى وقيعا ورىن العان تراسسالاردا جول قوزعالىسى قاۋىپسىزدىگىن قامتاماسىز ەتپەك. سونداي-اق, قازاقستاننىڭ بارلىق ايماقتارىنداعى جول-كولىك وقيعالارى تۋرالى اقپارات سانيتارلىق اۆياتسيالىق ورتالىققا كەلىپ ءتۇسپەك. اقپارات كەلىپ تۇسكەن جاعدايدا, وقيعا ورنىنا جاقىن ماڭداعى مەديتسينالىق كومەك بريگاداسى جىبەرىلەدى.
تاعى ءبىر ەسكەرتە كەتەتىن ءجايت, رەسپۋبليكالىق سانيتارلىق اۆياتسيانى ۇيلەستىرۋ ورتالىعى شىلدە ايىنىڭ اياعىندا تولىعىمەن ىسكە قوسىلماق.
جۇلدىز ءبايدىلدا.