فرانتسۋز كومپانيالارى وكىلدەرىمەن كەزدەستى

كەشە قازاقستان پرەمەر-ءمينيسترى فران­تسياعا رەسمي ساپارى بارىسىندا فرانتسۋزدىق كومپانيالاردىڭ وكىلدەرىمەن كەزدەستى. كەزدەسۋدە ەكونوميكانىڭ ءتۇرلى سالالارىنداعى ءوزارا ءىس-قيمىلدىڭ بولاشاق باعىتتارى تال­قىلاندى. «MEDEF شتاب-پاتەرىندە فرانتسيانىڭ ءىرى كوم­پانيالارى, ەكونوميكالىق ۇيىمدارى باسشىلارى­نىڭ قاتىسۋىمەن جۇمىس بابىنداعى تاڭعى اس ءوتتى», – دەپ مالىمدەدى كارىم ءماسىموۆ Twitter-دەگى پاراقشاسىندا. پرەمەر-مينيستر وسى رەسمي ساپارى بارىسىندا «Total E&P» كومپانياسىنىڭ پرەزيدەنتى ي.دارريكاررەرمەن, «ALSTOM» باسقارماسىنىڭ توراعاسى پ.كرونمەن, «VALLOUREC» باسقارماسىنىڭ توراعاسى ف.كرۋزەمەن, «AIR LIQUIDE» ۆيتسە-پرەزيدەنتى گ.سالتس­گەبەرمەن, «DANONE» باس ديرەكتورى ف.كەگەلسپەن, «THALES» كومپانياسىنىڭ پرەزيدەنتى ب.جاەجەرمەن, «GDF-SUEZ/ SUEZ-ENVIRONMENT» ديپلوماتيا­لىق كەڭەسشىسى د.سيموننومەن, «EADS-EUROCOP­TER» پرەزي­دەنتى ل.بەرتلينگپەن, «AREVA» باسقارما­سى­نىڭ ءتور­ايىمى ا.لوۆەرجونمەن, «SAGEM ­DEFENSE SECURI­TE» باس ديرەكتورى ف.ماززانتيمەن كەزدەستى.