كەشە پرەمەر-مينيستر كارىم ءماسىموۆ جاپونيا, پولشا جانە گەرمانيا ەلدەرىنىڭ قازاقستانداعى ديپلوماتيالىق ميسسيالارىنىڭ باسشىلارىمەن بىرقاتار كەزدەسۋلەر وتكىزدى.
«جاپونيا ەلشىسى يۋ.حارادامەن, پولشا ەلشىسى يا.كليۋچكوۆسكيمەن جانە گفر ەلشىسى ر.شلاگەتەرمەن كەزدەستىم», – دەپ جازدى كارىم ءماسىموۆ ءوزىنىڭ Twitter-دەگى پاراقشاسىندا. ەلىمىزدىڭ پرەمەر-ءمينيسترى كارىم ءماسىموۆ جاپونيا ەلشىسى يۋدزو حارادامەن كەزدەسۋى بارىسىندا مىڭداعان ادامداردىڭ ءومىرىن قيعان جەر سىلكىنىسىنە بايلانىستى كوڭىل ايتتى. كەلىسسوزدەر بارىسىندا ەكى ەل اراسىنداعى ستراتەگيالىق ىنتىماقتاستىق اياسىندا ساۋدا-ەكونوميكالىق جانە ينۆەستيتسيالىق ءوزارا ءىس-قيمىل ماسەلەلەرى تالقىلاندى.