وڭتۇستىك استانانىڭ ورتالىعىندا, اباي داڭعىلى مەن اۋەزوۆ كوشەسىنىڭ قيىلىسىندا حالىق بانكى زەينەتاقى قورىنىڭ جاڭا فيليالى اشىلدى.
«گلوبۋس» كوپ cالالى ورتالىعىنىڭ ءبىرىنشى قاباتىندا, حالىقتىق بانكىنىڭ باس ءوفيسى جانىندا ناعىز مەرەكەلىك جاعداي ورناعان: جاڭا وفيس اۋە شارلارىمەن بەزەندىرىلگەن, قۇرمەتتى قوناقتار قۇتتىقتاۋ سوزدەرىن دايىنداعان, ال قور قىزمەتكەرلەرىنىڭ جۇزىنە كۇلكى ۇيىرىلگەن. الماتى فيليالى جاڭا قونىسقا كوشۋدى بۇرىننان ارمانداعان. سوڭعى ۋاقىتقا دەيىن الماتىدا جۇمىس ىستەيتىن قالالىق فيليال مەن بەس سەرۆيس ورتالىعى ۇلكەن كولەمدە جۇمىس اتقارىپ كەلدى. ولار حالىق بانكى زەينەتاقى قورىنىڭ 116 ميلليارد تەڭگە جيناعىنا يە قالاداعى 240 مىڭ سالىمشىعا قىزمەت كورسەتىپ كەلدى! وسىنداي جۇمىس كولەمى بولا تۇرا ءاربىر كليەنتكە مەنەدجەرلەر كەز كەلگەن سەرۆيس ورتالىعىندا دا, قور فيليالىندا دا بارىنشا كوڭىل ءبولىپ وتىردى.
– بارلىعىمىز ءۇشىن قونىستوي – ەسكى قابىرعالاردى جاڭاسىنا اۋىستىرۋ عانا ەمەس, – دەدى اشىلۋ سالتاناتىندا الماتى فيليالىنىڭ ديرەكتورى باۋىرجان قىناتبەكوۆ, – بۇل ءبىزدىڭ قوردىڭ جاڭارۋى مەن ۇيلەسىمدى دامۋىنىڭ نىشانى. جۇمىس ىستەگەن العاشقى كۇندەردەن-اق ءبىز سالىمشىلارىمىزعا ءاربىر وبلىستا, ءاربىر وڭىردە, ءاربىر ەلدى مەكەندە جايلى جاعدايدا قىزمەت كورسەتىلۋىن ارمانداپ ەدىك. ەڭ جوعارى حالىقارالىق تالاپتارعا ساي وفيس – بۇل قوردىڭ ءساتتى دامۋىنداعى جاڭا دەڭگەي.
ال جەلتوقسان كوشەسى, 96/98 مەكەن-جايى بويىنشا ورنالاسقان فيليالدىڭ ەسكى ءوفيسى (گوگول كوشەسىنىڭ قيىلىسى, زەينەتاقى تولەۋ جونىندەگى مەملەكەتتىك ورتالىقتىڭ جانىندا) سەرۆيس ورتالىعىنا اينالدى, وندا بۇرىنعىداي كليەنتتەرگە بارلىق قىزمەت ءتۇرى ۇسىنىلادى. ال جاڭا وفيس اشىلۋ ءساتىنەن باستاپ جزق قىزمەتكەرلەرىنىڭ ماقتانىشىنا اينالدى, سەبەبى ول راسىمەن جايلىلىقتىڭ بارلىق تالاپتارىنا ساي وفيس. وپەراتسيا زالىندا كليەنتتەرگە التى مەنەدجەر قىزمەت كورسەتەتىن بولادى, ولاردىڭ ءبىرى «مەنەدجەر-ناۆيگاتور» دەپ اتالادى, ول تەز كەڭەس بەرۋ قىزمەتىن ۇسىنادى, بارلىق قاجەتتى قۇجاتتاردىڭ بولۋىن تەكسەرەدى, كوشىرمەلەر بەرەدى, تەلەفون ارقىلى كەلىپ تۇسكەن سۇراقتارعا جاۋاپ بەرەدى. مۇنداي قاراپايىم دا ءتيىمدى امال كەزەكتەردىڭ بولماۋىن قامتاماسىز ەتەدى. بارلىق قىزمەتكەرلەر زەينەتاقى تولەمدەرىن قابىلداۋمەن جانە ءراسىمدەۋمەن اينالىسىپ جاتقاندا, ال بۇل كوپ ۋاقىت الادى, تەك كوشىرمە الۋعا كەلگەن كليەنتكە دە كوڭىل ءبولۋ كەرەك. كوشىرمە بەرۋ 1 ءمينوت قانا ۋاقىت الادى. مەنەدجەر-ناۆيگاتور ەگجەي-تەگجەيلى اقپاراتتى ۇسىنا وتىرىپ, كوشىرمەنى تەز ۋاقىتتا شىعارىپ بەرەدى. ەندى مۇنداي قىزمەت از ۋاقىت الاتىن بولادى.
– ءبىزدىڭ تاجىريبەمىز كورسەتكەنىندەي, فيليال ارقىلى كۇن سايىن شامامەن 250-300 كليەنت وتەدى, – دەيدى الماتى فيليالى وپەراتسيا باسقارماسىنىڭ باستىعى شىنار قۇرماناليەۆا, – 30-40 تولەمگە شامامەن 200 كوشىرمە ۇسىنۋ وپەراتسياسى كەلەدى. سونىمەن قاتار, بارلىق قىزمەتكەرلەرىمىز ارنايى وقىتۋدان وتەدى, ولار زەينەتاقى تولەمدەرىنە قاتىستى بارلىق زاڭ جانە قارجى ماسەلەلەرى بويىنشا كەڭەس بەرە الادى. بۇل دا كوپ ۋاقىت الادى.
جىلى ءجۇزدى, ساۋاتتى قىزمەتكەرلەر قۇرامىمەن جانە جۇمىستاعى كەيبىر جاڭاشىلدىقپەن قاتار اباي داڭعىلىنداعى ءوفيستىڭ ەكى ارتىقشىلىعى بار. ءبىرىنشىسى – ءوفيستىڭ قالا ورتالىعىندا ىڭعايلى جەردە ورنالاسۋى. مۇندا كولىكتىڭ بىرنەشە ءتۇرىمەن جەتۋ مۇمكىندىگى بار. جانە دە بۇل جەردە قر-دان تىس جەرگە تۇراقتى تۇرۋعا كەتۋگە بايلانىستى جيناقتالعان زەينەتاقى قاراجاتىن الۋ تۋرالى وتىنىشتەر, سونداي-اق مۇراگەرلەرگە تولەم جۇرگىزۋ تۋرالى وتىنىشتەر قابىلداناتىن بولادى.
– بۇل قۇجاتتاردى مۇقيات تەكسەرۋدى تالاپ ەتەتىن وتە تاۋەكەلدى وپەراتسيالار, سوندىقتان الاياقتىقتى بولدىرماۋ ماقساتىندا, – دەيدى شىنار قۇرماناليەۆا, – سەرۆيس ورتالىقتارىن ەسەپتەمەگەندە, مۇنداي تولەم تۇرلەرىمەن مەنەدجەرلەر تەك قانا فيليالدا اينالىساتىن بولادى.
نەلىكتەن قور وسىنداي قوماقتى شىعىندار كوتەرىپ, قوسىمشا ورتالىق اشىپ وتىر؟ ويتكەنى, قور كليەنتتەرىنىڭ سانى ۇنەمى ءوسىپ كەلەدى. حالىق بانكى زەينەتاقى قورىنا سەنبەگەندە, كىمگە سەنەسىز! ونىڭ بۇكىل تۇراقتى دامۋ تاريحى وسى قاعيدانى راستايدى ەمەس پە. قازاقستانداعى ءىرى زەينەتاقى قورى – حالىق بانكىنىڭ جزق 1998 جىلى قۇرىلدى. قوردا قارجىگەر-ينۆەستورلاردىڭ كاسىپقوي كومانداسى بار, ولار وزدەرىنىڭ ساۋاتتى ينۆەستيتسيالىق ساياساتىمەن ينۆەستيتسيالىق تابىس بويىنشا جوعارى ناتيجەلەرگە قول جەتكىزدى. ينۆەستيتسيالىق قورجىن اشىق جانە ونى قوردىڭ سايتىندا كورۋگە بولادى: www.halykfund.kz. «ەكسپەرت را» رەيتينگتىك اگەنتتىگىنىڭ مەجەلىگى بويىنشا حالىق بانكى زەينەتاقى قورىنىڭ رەيتينگى ەڭ جوعارعى – ا++ (ەرەكشە جوعارى – ەڭ جوعارعى سەنىمدىلىك دەڭگەيى).
بۇگىنگى كۇنى ءاربىر ءتورتىنشى جۇمىس ىستەيتىن قازاقستاندىق, ال بۇل ەكى ميلليوننان استام ادام, ءوز بولاشاعىن قورعا سەنىپ تاپسىردى. قورعا اي سايىن كەلىپ تۇسەتىن زەينەتاقى جارنالارىنىڭ سوماسى شامامەن 12 ميلليارد تەڭگەنى قۇرايدى. ال زەينەتاقى اكتيۆتەرى – شامامەن 800 ميلليارد تەڭگە.
اشىلۋدىڭ مەرەكەلىك جاعدايىنا ورالايىق – قۇرمەتتى قوناقتار سالتاناتتى تۇردە وپەراتسيا زالىنا كىرەبەرىستەگى لەنتانى كەسكەن ساتتە جۋرناليستەرمەن بىرگە العاشقى كليەنتتەر دە ىشكە كىردى. باقىتتى جاعدايلاردىڭ توعىسۋىنا وراي ءدال وسى فيليالدىڭ اشىلۋ كۇنى ولار – مايرا بيسەنوۆا مەن ليۋدميلا لي 58 جاسقا تولۋىن جانە قۇرمەتتى زەينەت دەمالىسىنا شىعۋىن تويلاپ جاتىر. ولار ۇيلەرىنە تەك اقشامەن عانا ەمەس, مەرەكە قۇرمەتىنە قور سىيلاعان ءساندى راۋشاندار گۇلشوعىمەن جانە سىيلىقتارمەن ورالدى.
جانە دە قور ءسىز بەن ءبىزدىڭ بولاشاعىمىز جايلى ويلايدى – بۇل ونىڭ كاسىبى. سوندىقتان جاڭا وفيستە تىلەكتەر كىتابى ءۇشىن دە ورىن تابىلدى, وندا ءاربىر كليەنت ءوز تىلەكتەرىن قالدىرا الادى.
داريا تيشينا.
الماتى.
سۋرەتتى تۇسىرگەن ۆلاديمير زايكين.