ادام اعزاسىنا قاجەتتى ازىق-ت ۇلىك تۇرلەرىنىڭ قاتارىندا ءسۇتتىڭ الاتىن ورنى ەرەكشە. تابيعي دارۋمەندەرگە باي ءسۇتتىڭ وزىنەن عانا قانشاما داستارقان ءمازىرىن جايناتىپ جىبەرەتىن تاعام ءتۇرلەرى جاسالادى. قازىرگى دۇكەن سورەلەرىندەگى شەتەلدەن جەتكىزىلەتىن وسىنداي ونىمدەردى وزىمىزدە جاسالعان ءدامدى تاعام تۇرلەرى ىسىرا باستادى. بۇل ارينە ۇلكەن جەتىستىك, ءارى باسەكەگە قابىلەتتىلىكتىڭ العىشارتى دەۋگە بولادى.
تالدىقورعان قالاسىنىڭ شەتىنە ورنالاسقان ەكولوگيالىق جاعىنان تابيعي تازا ءونىم وندىرەتىن «GSR Lactik ltd» كاسىپورنىنىڭ تىنىس-تىرشىلىگى قۇپتارلىق. ءوندىرىس ورنى 2008 جىلدان بەرى دامدىلىگى مەن ساپاسى جاعىنان تۇتىنۋشى كوڭىلىنەن شىعىپ, سۇرانىستى ارتتىراتىن تاعام ءتۇرلەرىن شىعارىپ, ۋاقىت وزعان سايىن تاجىريبەلەرىن تولىقتىرىپ وتىر. العاشقى جىلدارى ءسۇت, ايران, قايماق قانا ازىرلەنسە, ەندى قاتىق, كىلەگەي, سۇزبە, سارى ماي, يوگۋرتتىڭ ءتورت, ىرىمشىك, سىردىڭ 30-عا تارتا تۇرلەرىن دايىنداۋدا. ءونىم ارنايى زەرتحانادا تەكسەرۋدەن ءوتىپ, ساپاسى قاتاڭ قاداعالانادى. ءونىم ساقتايتىن توڭازىتقىش تا جۇمىس ىستەيدى.
دايىن ونىمدەر ءوڭىردىڭ تۇكپىر-تۇكپىرىنە ۇزدىكسىز جونەلتىلۋدە. تالدىقورعان مەن الماتى قالاسىنداعى ارنايى نۇكتەلەر ارقىلى شاھارلىقتاردىڭ ازىق-ت ۇلىككە دەگەن سۇرانىسىن قاناعاتتاندىرىپ, ساۋدالانۋدا. ءسۇت ءونىمدەرىن ازىرلەۋگە قاجەتتى ەسكىرگەن قوندىرعىلار تۇتاستاي جاڭارتىلۋدا. سونداي-اق, ءوندىرىس زامان تالابىنا ساي كەڭەيتىلمەكشى. كەلەشەكتە ءونىم كولەمىن وتىز بەس تونناعا دەيىن جەتكىزۋ كوزدەلگەن. اسىرەسە, بالالارعا ارنالعان ءدارۋمەنگە باي ورىك-مەيىز قوسىلعان تاعام تۇرلەرىن شىعارۋ قولعا الىنباقشى. نەگىزگى شيكىزات ءسۇتتى اۋىل شارۋاشىلىعىمەن اينالىساتىن شارۋا قوجالىقتارىنان جينالادى ەكەن.
– كوبىنە ءسۇتتىڭ جەتكىلىكسىزدىگىنەن ءوڭىر حالقىن تۇگەلدەي ءوز ونىمدەرىمىزبەن قامتاماسىز ەتە الماي وتىرمىز. ماقسات ءسۇتتى مول بەرەتىن اسىل تۇقىمدى ساۋىن فەرماسىن اشۋ. سوندا ويلاعان مىندەتتەر تولىق جۇزەگە اسىرىلادى, – دەيدى باس ينجەنەر ناۋرىز ورىندىباەۆ.
قازىر كاسىپورىندا 70-تەن استام ادام جۇمىسپەن قامتىلسا, ولاردىڭ قايتارىمدى ەڭبەك ەتۋىنە بارلىق جاعداي بار. ماسەلەن, جوعارى وقۋ ورنىن بىتىرگەن جاس مامانداردى جۇمىستىڭ قىر-سىرىن بىلەتىن, تەحنيكانى جەتىك مەڭگەرگەن تاجىريبەلى جاندار قامقورلىققا الۋدا.
ۇتىمدى ۇيىمداستىرىلعان جۇمىس ناتيجەسىندە ەڭبەك ءونىمدىلىگى ارتۋدا. ماسەلەن, باستاپقىدا كۇنىنە جارتى تونناعا جۋىق ءونىم وندىرىلسە, قازىرگى كەزدە بۇل كورسەتكىش جيىرما بەس توننادان اسىپ ءتۇستى.
كاسىپورىن ۇجىمى قازاقستان رەسپۋبليكاسى پرەزيدەنتىنىڭ «ساپا سالاسىنداعى جەتىستىكتەرى» كونكۋرسى مەن رەسپۋبليكالىق «التىن ساپا» كورمەسىندە بەلسەندىلىك تانىتىپ, «العىس حاتپەن» ماراپاتتالىپتى. اۋىل شارۋاشىلىعىن دامىتۋدا قوسقان ۇلەستەرىمەن كاسىبي شەبەرلىگى, جوعارعى ءوندىرىستىك كورسەتكىشتەرى ءۇشىن ءار كەزدە الدىڭعى ورىنداردان كورىنگەن.
حالقىمىزدىڭ سالت-ءداستۇرىن العا اپارعان كاسىپورىننىڭ ەلباسى جولداۋىن قىزۋ قۋاتتايتىنى انىق اڭعارىلادى. ادەمى قاپشىقتارداعى دايىن ءونىم تۇتىنۋشىعا وسىلاي تولاسسىز جول تارتۋدا. بۇل وتاندىق كاسىپورىنداعى وتاندىق ءونىم. ال, ولاردىڭ الداعى جوسپارلارى دا كوپ. يگى ىزدەنىس, ەسەلى ەڭبەك ارقىلى ونى دا جۇزەگە اسىرۋعا بولاتىندىعى انىق.
كۇمىسجان بايجان.
الماتى وبلىسى.