جارىس الاڭىندا – جۋرناليستەر

استانادا قازاقستان جۋرناليستەر وداعى قالالىق فيليا­لى­نىڭ ۇيىمداستىرۋىمەن شاعىن فۋتبولدان باق وكىلدەرى ارا­سىندا بەلگىلى قالامگەر رامازان احمەتوۆتى ەسكە تۇسىرۋگە ارنال­عان تۋرنير ءوتتى. جىل سايىن استانالىق جۋرناليستەر اراسىندا داستۇرگە اي­نال­عان تۋرنيرگە «ەگەمەن قازاق­ستان», «كازاحستانسكايا پراۆدا», «اس­تانا اق­شامى», «نۇر استانا» گازەتتەرى, «حابار», «استانا» تەلە­ارنالارى, «نۇر مەديا» حولدينگى, قازاق را­ديوسى مەن وسى كەزگە دەيىن الما­تىدا شى­عىپ تۇرعان «Sport kz» گازەتىنىڭ كومانداسى قاتىستى. كوماندالار وليمپيالىق ءجۇ­يە بويىنشا ءوزارا كەزدەسىپ, جەڭ­گەن­دە­رى جارتىلاي فينالعا جولداما ال­دى. ءسويتىپ, ءوزارا كۇش سى­ناس­قان ۇجىمدار ىشىنەن پلەي-وففقا شى­عىپ, ودان سۇرىنبەي ءوت­كەن «Sport kz» پەن «استانا» تەلە­ارنا­سىنىڭ كوماندالارى فينالدا باس جۇلدەنى ساراپقا سالدى. تۋرنيردەگى العاش­قى ويىنىندا «كا­زاحستان­كايا پراۆدا», ودان كەيىن «استانا اق­شامى» مەن «نۇر اس­تانا» كو­مان­دالارىن ۇت­قان بەل­گىلى سپورت جازۋشىسى نەسىپ ءجۇ­نىس­باي ۇلى باسقاراتىن «Sport kz» گازەتىنىڭ ۇجىمى باس ءجۇل­دەنى جەڭىپ الدى. ءۇشىنشى ورىن­دى «حابار» تەلە­ارناسى يەلەندى. – ءبىزدىڭ وسى تۋرنيردەگى جەڭىس­كە جەتكەنىمىز كوماندانىڭ ۇيىم­شىل­دىعىنىڭ, الاڭدا تۇسىنىسە ءبىل­­گەن­دى­گى­نىڭ جانە جەڭىسكە دەگەن جىگەر­لىلىگى­نىڭ ارقاسى دەپ بىلەمىن, – دەدى كو­مان­دانىڭ كاپيتانى, «Sport kz» گازەتى باس رەداكتو­رى­نىڭ ورىنباسارى تولەۋبەك قا­دىر­موللا. – ال باسقا كوماندالار ىشىنەن بىزگە «ەگەمەن قا­زاقستان» مەن «حابار» كوماندا­لارىنىڭ ويىن ورنەگى ۇنادى. راسى كەرەك, ولاردىڭ دا ءبىز سياقتى في­نالعا جەتۋگە مۇمكىندىگى بار ەدى. ءبى­راق, ويىننىڭ اتى – ويىن. الدا تاعى جارىستار بولادى. قارىمتا قاي­تا­رۋعا مۇمكىندىك تۋادى. ال جۋرناليستەر وداعى قالا­لىق فيليالىنىڭ باسشىسى ماع­جان سادىحان ۇلىنىڭ ايتۋىن­شا, بىرنەشە جىلدان بەرى وتكىزىلىپ كەلە جاتقان تۋرنير الداعى كەزدە دە جال­عاساتىن بولادى. ويتكەنى, ونىڭ ماقساتى – جۋرناليستەر ارا­سىندا جەڭىمپازدى انىقتاۋ ەمەس, ەڭ باس­تىسى, باق وكىل­دەرى­نىڭ دوستى­عىن نىعايتۋ, فۋتبول سياقتى ميلليون­دا­عان جانكۇيەر­لەردىڭ سۇيىكتى ويى­نىن ارىپتەس­تەرى­نىڭ اراسىندا ناسيحاتتاۋ. سۋرەتتى تۇسىرگەن ورىنباي بالمۇرات.