ورتاق كوزقاراس تانىتىلدى

قازاقستان پارلامەنتى ءماجىلىسىنىڭ دەپۋتاتى سەرىك تەمىربولاتوۆ يران يسلام رەسپۋبليكاسى مەدجليسىنىڭ دەپۋتاتى حودجات-ءال يسلام سەيەد رەزا اكراميمەن جۇزدەستى, دەپ حابارلادى وسى پالاتانىڭ ءباسپاسوز قىزمەتى. تاراپتار كەزدەسۋدە قازاقستان مەن يران اراسىنداعى قارىم-قاتىناستى دامىتۋ, پار­لا­مەن­ت­ارا­لىق ىنتىماقتاستىقتى نى­عاي­تۋ تۋرالى ويلارىن ورتاعا سالدى. سونداي-اق, ساۋدا-ەكونوميكالىق ىن­تىماقتاستىقتى جانە الەۋمەت­تىك-گۋمانيتارلىق سالاداعى باي­لا­نىستى ورىستەتۋ جايى ءسوز بولدى. كەزدەسۋدە اۋعان ماسەلەسى قوزعالدى. س.تەمىربولاتوۆ بۇل ماسەلەنى اۋعان حالقىنىڭ مۇددەسى تۇرعىسىنان شەشۋ قاجەتتىگىن ايتتى. سونىمەن قاتار, سۇحباتتا­سۋ­شىلار ەكسترەميزمگە, تەرروريزمگە جانە ەسىرتكىگە قارسى كۇ­رەس­كە باسا نازار اۋدارۋ قاجەتتىگىن اتاپ كورسەتتى.