تابىسىمىزعا جوعارى باعا

قازاقستاندىق پارلامەنتشىلەردىڭ يزرايل كنەسسەتىنە تاياۋداعى ساپارى اياسىندا «تاۋەلسىزدىككە – 20 جىل, بەيبىتشىلىك, جاسامپازدىق جانە ىنتىماقتاستىققا – 20 جىل» تاقىرىبى بويىنشا بولعان دوڭگەلەك ۇستەل وتىرىسىندا قازاقستان مەن ءيزرايلدىڭ ەكىجاقتى, ونىڭ ىشىندە پارلامەنتارالىق ۇنقاتىسۋ دەڭگەيىندەگى قاتىناستاردى ودان ءارى دامىتۋ ماسەلەلەرى تالقىلاندى, دەپ حابارلادى سەناتتىڭ ءباسپاسوز قىزمەتى. سەناتور ع.قاسىموۆ پىكىر­ساي­ىسقا قاتىسۋشىلاردى قا­زاق­­ستاننىڭ حالىقارالىق باس­تا­مالارى, استانادا بولعان ەقىۇ ءسامميتىنىڭ قورىتىندىلارى تۋ­­رالى حاباردار ەتتى. يزرايل جاعىنان ىنتىماقتاستىق تو­بى­نا قاتىسۋشى ف.كيرشين­باۋمنىڭ پىكىرىنشە, ەقىۇ-نىڭ تابىستى وتكەن ءسامميتى قا­زاقستاننىڭ حالىقارالىق بە­دەلىن تاعى دا بيىكتەتىپ, وعان دەگەن سەنىمدى كۇشەيتە ءتۇستى. «بۇل ءسىزدىڭ ەلدەرىڭىزگە جاڭا جاھاندىق باستامالار كوتەرۋگە مۇمكىندىك بەرەدى», دەدى دەپۋتات. تالقىلاۋدا ءسوز العان سەناتور ە.جۇماباەۆ زاڭ شىعارۋ ۇدەرىستەرى, مەملەكەت قۇرىلى­سىنداعى ماڭىزدى مىندەتتەردى ىسكە اسىرۋداعى پارلامەنتتىڭ ءرولى تۋرالى ايتتى. پارلامەنت ءماجىلىسىنىڭ ەكو­نوميكالىق رەفورمالار جانە ءوڭىر­لىك دامۋ كوميتەتىنىڭ ءتور­اعاسى س.ايىمبەتوۆ باستاپ بار­عان قازاقستاندىق پارلامەنتشىلەر كنەسسەت توراعاسى ر.ريۆلينمەن, «قازاقستان-يزرايل» پارلامەنتارالىق اسسوتسيا­تسيا­سى­نىڭ مۇشەلەرىمەن, يممي­گرانت­تاردى بەيىمدەۋ ءمينيسترى س.لاندۆەرمەن, ءمينيستردىڭ ور­ىن­باسارى د.ايالونمەن جانە سا­لالىق دەپارتامەنت باسشى­لارى­مەن كەزدەستى. قازاقستان پارلامەنتشىلەرى شاقىرىلعان يزرايل پارلا­مەنتىنىڭ جالپى وتىرىسىندا كنەسسەت توراعاسى ر.ريۆلين ءبىز­دىڭ ەلىمىز پارلامەنتىنىڭ دە­پۋ­تاتتارىنا ۇندەۋدى جاريا ەتتى. ۇندەۋدە ديپلوماتيالىق باي­لا­نىستار ورنىققان 1992 جىل­دان باستاپ قازاقستان يز­رايل­دىڭ ماڭىزدى ارىپتەسى بولىپ تا­بى­لاتىنى اتاپ كورسەتىلەدى. وندا, سونداي-اق, «قازاقستان مۇ­سىل­مان ەلى بولا تۇرىپ, باتىس ەلدەرىمەن بەرىك بايلانىستار ورنىقتىردى, اراب جانە مۇ­سىلمان ەلدەرىندە بەدەلى وتە جوعارى. پرەزيدەنت نازارباەۆ­تىڭ باسشىلىعىمەن سىزدەردىڭ ەلىڭىزدە جۇرگىزىلىپ كەلە جاتقان سالماقتى جانە تۇراقتى ۇدە­رىستەردى يزرايل جوعارى باعا­لايدى», دەلىنگەن. ساپار بارىسىندا قازاق­ستان­دىق دەپۋتاتتار دۇنيە ءجۇ­زىنە بەلگىلى «ۆۋلكاني» اگ­رار­لىق زەرتتەۋ ورتالىعىندا بو­لىپ, يزرايلدەگى قازىرگى زا­مانعى جەتەكشى قۇرالدارمەن جابدىقتالعان جەكە «اسسۋتا» ەمحاناسىنىڭ جۇمىسىمەن تا­نىستى.