زياتكەرلىك مەنشىك التىن قورىنان باعالى

پارلامەنت ءماجىلىسىنىڭ زاڭ­نا­ما جانە سوت-قۇقىقتىق رەفورما كوميتەتىنىڭ ۇيىمداس­تىرۋى­مەن «قازاقستان رەسپۋب­لي­كاسى­نىڭ كەيبىر زاڭنامالىق اكتىلەرىنە زياتكەرلىك مەنشىك ماسە­لە­لە­رى بويىنشا  وزگەرىس پەن تو­لىق­تىرۋلار ەنگىزۋ تۋ­رالى» زاڭ جوبا­سىنا قاتىستى  دوڭگەلەك ۇستەل ءوتتى, دەپ حابار­لا­دى وسى پالا­تانىڭ ءباسپاسوز قىزمەتى. شارانى ءماجىلىس دەپۋتاتى, زاڭ­ناما جانە سوت-قۇقىقتىق رەفورما كوميتەتىنىڭ مۇشەسى زاعيپا باليەۆا اشىپ جۇرگىزىپ وتىردى. ول ءوزىنىڭ كىرىسپە سوزىندە ءححى عاسىر­دىڭ زياتكەرلىك مەنشىك عاسىرى دەپ اتالىپ جۇرگەنى بارىمىزگە ءمالىم. وعان ءبىزدىڭ كوزقاراسىمىز اشىق تا دالەلدى. شىنىمەن عىلىمي-تەح­نيكالىق پروگرەسس ءداۋىرى باستالىپ, زياتكەرلىك مەنشىكتىڭ ءرولىن با­عا­لاماۋ مۇمكىن بولماي قالدى. وسى ماسەلەنىڭ ماڭىزى سوندا, ول تەك جەكە مەملەكەتتىك شەڭبەردە عانا ەمەس, دۇنيەجۇزىلىك زياتكەرلىك مەن­شىك ۇيىمى دەگەن ايدارمەن الەم­دىك دەڭگەيدە تالقىلانىپ جاتىر, دەدى. كەلەسى كەزەكتە ز.باليەۆا قاراس­تىرىلىپ وتىرعان ماسەلەنىڭ وزەك­تىلىگىنە توقتالدى. مەنىڭ باي­قاۋ­ىم­شا پيراتتىق ونىمدەر قازاقستان رىنوگىندا عانا ورىن الىپ وتىر­عان جوق, ەلىمىز بسۇ-عا مۇشەلىككە وتكەلى دايارلىق جاساپ جاتقاندا زياتكەرلىك مەنشىكتىڭ باعاسىن حالىق ۇعىنا باستادى دەپ ويلايمىن. وسىعان وراي حالىقارالىق بيزنەس جانە مەنەدجمەنت اكادەمياسىنىڭ پروفەسسورى ۆلاديمير رومانوۆ­تىڭ بايانداۋىنشا, زياتكەرلىك مەنشىك قورىن التىن قورىنان ارتىق كو­رىپ, «ءبىز گاۋھارعا تەڭ بايلىق­تا­رىمىزدى اياققا باسىپ ءجۇرمىز. ەڭ پاي­دالى ءىسىمىزدى قۇقىق بۇزۋشى­لار­دىڭ قولىنا بەرىپ قويدىق», دەپ شىرىلداعانىن اتاپ وتكىم كەلەدى, دەدى. شىنىندا دا زياتكەرلىك مەن­شىكتىڭ قۇقىن قورعاۋدى قامتاماسىز ەتۋ ءۇشىن بار كۇش-قايراتىمىز جۇمسالۋى ءتيىس. زياتكەرلىك مەنشىكتى قورعاۋ دەڭگەيى بارىنەن بۇرىن ءتيىمدى نورماتيۆتىك قۇقىقتىق بازاعا بايلانىستى ەكەنى بەلگىلى. زاڭدى جاساپ قانا قويماۋ كەرەك, ول ءىس جۇزىندە ورىندالعانى قاجەت. سول ءۇشىن وسى دوڭگەلەك ۇستەل باسىنا جينالىپ, ادىلەت مينيسترلىگى ازىرلەگەن زاڭ جوباسىن تالقىلاۋ باستى ماقسات بولدى.