ۇلتتىق اكادەميالىق كىتاپحانادا مەملەكەتتىك الەۋمەتتىك تاپسىرىس ماسەلەلەرىن زاڭ جولىمەن جەتىلدىرۋگە قاتىستى دوڭگەلەك ۇستەل بولىپ ءوتتى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.
دوڭگەلەك ۇستەلدى پارلامەنت ءماجىلىسىنىڭ الەۋمەتتىك-مادەني دامۋ كوميتەتى, «نۇر وتان» حدپ-نىڭ پارلامەنت ءماجىلىسى فراكتسياسى جانىنداعى قوعامدىق ۇيىمدارمەن بايلانىس جونىندەگى كەڭەسى, مادەنيەت مينيسترلىگى, «قازاقستاننىڭ ازاماتتىق اليانسى» زتب ۇيىمداستىردى. بۇل باسقوسۋدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك الەۋمەتتىك تاپسىرىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىعا ءتۇستى. وسى شارا پارلامەنت ءماجىلىسىنىڭ نەگىزگى ءىس-شارالار جوسپارىنا سايكەس وتكىزىلدى.
وتىرىسقا پارلامەنت ءماجىلىسىنىڭ دەپۋتاتتارى, «نۇر وتان» حدپ-نىڭ پارلامەنت ماجىلىسىندەگى فراكتسياسى جانىنداعى قوعامدىق ۇيىمدارمەن بايلانىس ءجونىندەگى كەڭەستىڭ مۇشەلەرى, زاڭ جوباسى بويىنشا جۇمىس توبىنىڭ مۇشەلەرى, ءماجىلىس اپپاراتىنىڭ وكىلدەرى, زاڭ جوباسىن ءازىرلەۋشىلەر – مادەنيەت جانە قارجى مينيسترلىكتەرىنىڭ جاۋاپتى قىزمەتكەرلەرى, ۇكىمەتتىك ەمەس ۇيىمداردىڭ باسشىلارى مەن وكىلدەرى قاتىستى.
باسقوسۋدى جۇرگىزگەن پارلامەنت ءماجىلىسى الەۋمەتتىك-مادەني دامۋ كوميتەتىنىڭ ءتورايىمى دينار نوكەتاەۆا كىرىسپە ءسوز سويلەدى.
– قازاقستان پرەزيدەنتىنىڭ 2006 جىلعى 25 شىلدەدەگى جارلىعىمەن بەكىتىلگەن قازاقستان رەسپۋبليكاسىندا ازاماتتىق قوعامدى دامىتۋدىڭ 2006-2011 جىلدارعا ارنالعان تۇجىرىمداماسىندا «Yكىمەتتىك ەمەس ۇيىمدار سەگمەنتىندە مەملەكەتتىك الەۋمەتتىك تاپسىرىستى قالىپتاستىرۋ تەتىگىن جەتىلدىرۋ مەن ونىڭ اشىقتىعىن قامتاماسىز ەتۋ, ونى ىسكە اسىرۋ تەتىگى مەن راسىمدەرىن جاقسارتۋ, YEۇ-نىڭ باسىم الەۋمەتتىك باعدارلامالار مەن جوبالاردى ايقىنداۋعا قاتىسۋى ماسەلەلەرىن كوزدەۋ جانە مەملەكەت پەن Yەۇ-نىڭ ءوزارا ءىس-قيمىل ۇدەرىسىن تۇتاستاي تەرەڭدەتۋ, ءاسىرەسە, وڭىرلەر مەن اۋىلدىق جەرلەردە YEۇ بولىگىن دامىتۋدى قولداۋدىڭ ينستيتۋتتىق جانە ۇيىمدىق بازاسىن نىعايتۋ قاجەت» دەپ اتاپ كورسەتىلگەن, – دەدى دينار ءنوكەتاەۆا. – بۇگىنگى تاڭدا جالپى مەملەكەتتىك الەۋمەتتىك تاپسىرىس ماسەلەلەرىنە قاتىستى جينالىپ قالعان بىرقاتار پروبلەمالار بار.
ونىڭ ىشىندە مەملەكەتتىك الەۋمەتتىك تاپسىرىستى ىسكە اسىرۋدىڭ قولدانىستاعى تەتىكتەرىنىڭ جەتىلمەگەندىگى, ونى جۇزەگە اسىرۋ بارىسىندا تۋىندايتىن قوعامدىق قاتىناستار سۋبەكتىلەرىنىڭ قاجەتتىلىكتەرى مەن ولاردىڭ ءىس-ارەكەتتەرىن رەگلامەنتتەۋ ماسەلەلەرى, ونىڭ ىشىندە قۇقىقتارى مەن مىندەتتەرىن ايقىنداۋى, مەملەكەتتىك الەۋمەتتىك تاپسىرىستى ورتالىق جانە جەرگىلىكتى دەڭگەيلەردەگى ءبولۋ تاجىريبەسىن كەشەندى زەرتتەۋ قورىتىندىلارى مەن اتالعان ماسەلە بويىنشا قوعامدىق پىكىرلەرىن ايتۋعا بولادى. سوندىقتان ۇكىمەتتىك ەمەس ۇيىمداردى مەملەكەت تاراپىنان قولداۋ جۇيەسىن ودان ءارى جەتىلدىرۋ, مەملەكەتتىك تاپسىرىستى ىسكە اسىرۋعا بولىنەتىن بيۋدجەت قاراجاتىن ءتيىمدى يگەرۋگە قوعامدىق قاتىناستار سۋبەكتىلەرىنىڭ جاۋاپكەرشىلىگىن ارتتىرۋ, مەملەكەتتىك الەۋمەتتىك تاپسىرىستى بولۋدە مەملەكەتتىك ساياساتتىڭ باسىمدىقتارى مەن رەسپۋبليكاداعى جانە جەكەلەگەن وڭىرلەردەگى الەۋمەتتىك-ەكونوميكالىق دامۋ قاجەتتىلىكتەرىن ەسكەرۋ كەرەك ەكەندىگى ءسوزسىز.
كەلەسى كەزەكتە مادەنيەت مينيسترلىگىنىڭ جاۋاپتى حاتشىسى جاننا قۇرمانعاليەۆا بايانداما جاسادى. پارلامەنت ءماجىلىسىنىڭ دەپۋتاتى اتالعان زاڭ جوباسى بويىنشا قۇرىلعان جۇمىس توبىنىڭ جەتەكشىسى گۇلنار سەيىتماعانبەتوۆا اتقارىلعان جۇمىستار مەن تالقىلاۋ بارىسى تۋرالى ايتىپ بەردى. ال پارلامەنت ءماجىلىسىنىڭ دەپۋتاتى, «قازاقستاننىڭ ازاماتتىق اليانسى» زاڭدى تۇلعالار ءبىرلەستىگىنىڭ پرەزيدەنتى ايگۇل سولوۆەۆا ءوز ۇسىنىستارىن جەتكىزدى. سونداي-اق «ارگو» ازاماتتىق قوعامدى دامىتۋ قاۋىمداستىعى» زتب ديرەكتورى ءجاميلا اسانوۆا ءوز پىكىرىن ءبىلدىردى.
قاتىسۋشىلار پىكىرى دۇرىس زاڭ قابىلداساق, ول بارىمىزگە ابىروي اكەلەدى دەگەن ءبىر ارنادا توعىستى.