وركەنيەتتىلىك كورىنىسى

ماجىلىستە قازاقستان رەس­پۋب­ليكاسى پرەزيدەنتى جا­نىن­داعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا  ءماجىلىستىڭ الەۋمەت­تىك-مادەني دامۋ كوميتەتىمەن بىرلەسىپ بۇۇ-نىڭ ايەلدەر جانە استاناداعى ەقىۇ ور­تا­لىعىنىڭ قولداۋىمەن  ءاي­ەل­دەرگە قاتىستى كەمسىتۋدىڭ بارلىق نىساندارىن جويۋ تۋ­رالى كونۆەنتسيانىڭ ىسكە اسىرىلۋ بارىسى تۋرالى بىرىككەن ءۇشىنشى جانە ءتورتىنشى ۇلتتىق باياندامانى تالقى­لاۋ  جونىندە دوڭگەلەك ۇستەل وتى­رىسىن وتكىزدى, دەپ حابار­لادى ءماجىلىستىڭ ءباسپاسوز قىزمەتى. قازاقستان رەسپۋبليكاسى بۇۇ-نىڭ ايەلدەرگە قاتىستى كەمسىتۋ­دىڭ بارلىق نىساندارىن جويۋ تۋ­رالى كونۆەنتسياسىن 1998 جىلى رات­ي­فيكاتسيالاعان بولاتىن. كون­ۆەن­تسيا­نىڭ 18-بابىنا سايكەس قا­تى­سۋشى مەملەكەت ءار ءتورت جىل ساي­­ىن بۇۇ-عا ونىڭ ورىندالۋى تۋ­­رالى مەرزىمدى بايانداما ۇسىنادى. 1999 جىلى بۇۇ-عا ونىڭ ورىن­دا­لۋى تۋرالى باستاپقى بايانداما, 2004 جىلى – ەكىنشى بايانداما ۇسى­نىل­دى, ول 2007 جىلعى قاڭتاردا قارالدى. بۇۇ-نىڭ ايەلدەرگە قاتىستى كەمسىتۋدىڭ بارلىق نىساندارىن جويۋ تۋرالى كونۆەنتسياسىنىڭ ىسكە اسىرىلۋ بارىسى جايىندا بىرىككەن ءۇشىنشى جانە ءتورتىنشى ۇلت­تىق باياندامانىڭ جوباسىندا قازاقستان رەسپۋبليكاسىندا 2004 جانە 2010 جىلدار ارالىعىنداعى كەزەڭدە بولعان الەۋمەتتىك-ەكونو­مي­كالىق وزگەرىستەر تۋرالى, سون­داي-اق بۇل كونۆەنتسيانىڭ وسى كە­زەڭدەگى ىسكە اسىرىلۋىنداعى پروگرەسس تۋ­را­لى مالىمەتتەر كەلتىرىلگەن. جوبادا ايەلدەرگە قاتىستى كەمسىتۋدى جويۋ جونىندەگى كومي­تەت­تىڭ (CEDAW) قازاقستاننىڭ ەكىنشى بايانداماسىنىڭ 2007 جىل­عى قاڭتارداعى تۇساۋكەسەرىنەن كەيىنگى قورىتىندى تۇسىنىكتەمەلەرى مەن ۇسىنىمدارى ەسكەرىلگەن. گەن­دەرلىك ساياساتتى ىلگەرىلەتۋ بويىن­شا قازاقستان وڭىردە كوش باسىندا كەلەدى. بۇۇ باس اس­سام­بلەياسى­نىڭ قازاقستاندى تاياۋدا قۇرىل­عان «UN Women» قۇرىلىمىنىڭ اتقارۋشى كەڭەسى مۇشەلەرىنىڭ قا­تارىنا سايلاۋى وسىنى مويىن­داۋ بولدى.