...ءۇيدىڭ مەكەن-جايى: استانا كوشەسى, №1
ءوندىرىستى قالا اقسۋدا بوس قالعان جاتاقحانا ىسكە جاراپ, سونىڭ نەگىزىندە تاعى ءبىر تۇرعىن ءۇي بوي كوتەردى. بۇل قۋانىشتى ءراسىمگە وبلىس اكىمى باقىتجان ساعىنتاەۆ پەن وسى ءۇيدى تۇرعىزۋعا اتسالىسقان «ENRC» PLC كومپانياسى باسشىلارى قاتىسىپ, وسى جەردەگى «ەۋرازيالىق ەنەرگەتيكالىق كورپوراتسياسى» اق قىزمەتكەرلەرى مەن جۇمىسشىلارىنا 70 پاتەردىڭ كىلتتەرىن تاپسىردى.
اسىرەسە, وندىرىسكە جاڭا كەلگەن جاستار قۋانىشتى. پاتەرلەر نەسيە ارقىلى 15 جىلعا 1 پايىزدىق ۇستەمەمەن بەرىلىپ وتىر. ءۇي اۋلاسى كەڭ, كوگالداندىرۋ جۇمىستارى ەرتە باستان قولعا الىنعان. «ENRC» PLC باس اتقارۋشى ديرەكتورى فەليكس ۆۋليس ءبىز ءۇشىن الەۋمەتتىك ماسەلەلەردىڭ شەشىلۋى باستى ماسەلە, ول سەنىمدىلىك پەن تۇراقتىلىقتىڭ كەپىلى, دەيدى.
جالپى, سوڭعى التى جىلدا كورپوراتسيا تۇرعىن ءۇي باعدارلاماسىن جۇزەگە اسىرۋ ءۇشىن 1,7 ميلليارد تەڭگە جۇمساپ, 500-گە جۋىق پاتەر يەلەرى قونىس تويىن تويلاپتى.
فاريدا بىقاي.
پاۆلودار وبلىسى.
* * *
...بالاباقشانىڭ ىرگەتاسى قالاندى
قىزىلوردا قالاسىنىڭ «ساياحات» شاعىن اۋدانىندا جاڭا بالاباقشانىڭ ىرگەتاسىن قالاۋ ءراسىمى ءوتتى. وعان وبلىس اكىمى بولاتبەك قۋاندىقوۆ قاتىستى. 280 ورىندىق بالاباقشانىڭ قۇرىلىسىن «تەحسەرۆيسقىزىلوردا» جشس قولىنا العان. اتالعان سەرىكتەستىكتىڭ ديرەكتورى مارات جابباربەرگەنوۆ ايماق باسشىسىن نىساننىڭ قۇرىلىسىمەن جانە تەحنيكالىق سيپاتتاماسىمەن تانىستىردى. شارا سوڭىندا قۇرىلىس نىسانىمەن تانىسىپ بولعان وبلىس اكىمى جاڭا بالاباقشانىڭ العاشقى ىرگەتاسىن, ياكي العاشقى كىرپىشىن قالاپ, قۇرىلىسشىلاردىڭ جۇمىسىنا ساتتىلىك تىلەدى.
بيىل جىل باسىنان بەرى وبلىس شەڭبەرىندە 4 بالاباقشا پايدالانۋعا بەرىلدى.جىل سوڭىنا دەيىن قالادا تاعى وسىنداي 3 بالاباقشا بالعىنداردىڭ يگىلىگىنە تابىستالادى دەپ كۇتىلۋدە. بالاباقشالار تەك قالامىزدا عانا ەمەس, اۋداندار مەن ەلدى مەكەندەردە دە سالىنۋدا. ەل تاۋەلسىزدىگىنىڭ 20 جىلدىعى مەرەكەسى قارساڭىندا وبلىسىمىزدا بيىل تاعى 10 بالاباقشا ىرگە كوتەرمەك.
قىزىلوردا.
* * *
...بانك فيليالى اشىلدى
اقتوبە قالاسىندا رەسەيدىڭ «ۆتب» بانكىنىڭ فيليالى ءوزىنىڭ تۇساۋكەسەرىن وتكىزدى. كورشىلەس ەلدىڭ قارجى قۇرىلىمىنىڭ قازاقستان رىنوگىندا ءوز قىزمەتىن باستاعانىنا ەكى جىل. بانك فيليالى ابىلقايىر حان داڭعىلى بويىنداعى «حالىق بانكى» فيليالىنىڭ بۇرىنعى عيماراتىندا ورنالاسقان.
رەسەيدەگى ەڭ ءىرى بانكتەردىڭ ءبىرى – «ۆتب» بانكى قازىر الەمنىڭ جيىرما ەلىندە جۇمىس ىستەيدى. ءبۇگىنگى تاڭدا بانك ەلىمىزدىڭ بەس قالاسىندا ءوز فيليالدارىن اشقان. ول تۇرعىندارعا كەپىلسىز نەسيە بەرۋ, سالىم سالۋ, شاعىن بيزنەستى دامىتۋعا قارجى ءبولۋ قىزمەتتەرىن ۇسىنادى. «ۆتب» اق ەنشىلەس ۇيىمىنىڭ باسقارما ءتوراعاسى سەرگەي گۋساروۆتىڭ ءمالىمدەۋىنشە, بانك قالا تۇرعىندارىنا ءتيىمدى قىزمەتتەر ۇسىنىپ, بيزنەستىڭ بارلىق باعىتتارى بويىنشا بەلسەندى جۇمىس ىستەيتىن بولادى. بۇل – وبلىس اۋماعىندا ءوزىنىڭ قارجى قىزمەتىن ۇسىنىپ وتىرعان رەسەيدىڭ ەكىنشى بانكى.
ساتىبالدى ءساۋىرباي.
اقتوبە وبلىسى.