قالامگەرلەر باسقوسۋى

كەشە استانادا قازاقستان جازۋشىلار وداعى فيليالىنىڭ جينالىسى بولىپ ءوتتى. ونى  وداق باسقارماسىنىڭ توراعاسى نۇرلان ورازالين اشىپ, جۇرگىزىپ وتىردى. ول بۇل باسقوسۋعا باس­قارما مۇشەلەرى مەن ەلورداداعى 102 جازۋشىنىڭ دەنى قا­تى­سىپ وتىرعانىن ءمالىم ەتتى. كۇن تارتىبىنە قويىلعان ماسەلە بىرەۋ – استانالىق قالامگەرلەردىڭ جاڭا باسشىسىن سايلاۋ بولدى. جينالعان قاۋىم الدىندا وسىعان دەيىن استانا فيليالىن بايىپتى دا بايسالدى باسقارىپ كەلگەن كورنەكتى قالامگەر, مەملەكەتتىك سىيلىقتىڭ لاۋرەاتى اكىم تارازي ءوز ءوتىنىشى بويىنشا ورنىنان بوساناتىنىن مالىمدەدى. بۇل ۇسىنىس قۇپ الىندى. اعا بۋىن وكىلىنە تابىستى جۇمىسى ءۇشىن جازۋشىلار وداعى باسقار­ما­سىنىڭ اتىنان العىس اي­تى­لىپ, يىعىنا شاپان جابىلدى. سون­­داي-اق استانا قالاسىنىڭ اكىمى يمانعالي تاسما­عام­بە­توۆ­تىڭ اكىم اعاسىنا دەگەن ءىل­تيپاتى مەن سىي-سياپاتىن ەلور­داداعى تىلدەردى دامىتۋ باسقار­ماسىنىڭ باستى­عى ورازكۇل اسانعازى تابىس ەتتى. شىعىپ سويلەگەن جازۋشىلار تولەن ابدىك, كاكىمبەك سالىق, سەرىك تۇرعىنبەك, سۇلتان ورازالين, ساۋىتبەك ابدراحمانوۆ, بولات بوداۋباەۆ استانالىق فيليال­دىڭ بۇرىنعى جەتەكشىسىنە قالت­قى­سىز قىزمەتى ءۇشىن ريزاشى­لى­عىن ءبىلدىرىپ, كەلەتىن جاڭا باس­شى­لىققا جۇمىستى  ودان  ءارى جانداندىرا ءتۇسۋدىڭ جولدارىن ۇسى­نىپ, وي-پىكىرلەرىن ايتتى. شە­شىمىن كۇتىپ تۇرعان ماسەلەلەر بارشىلىق ەكەن. سونىڭ بىرەگەيى ءالى كۇنگە دەيىن فيليالدىڭ ءتۇپ­كىلىكتى ورىن تەپكەن ءوز مەكەن-جايى جوق. ءبىر قۋانارلىعى – قالا اكىمى بۇل تۇرعىسىندا كومەك قو­لىن سوزۋعا ءازىر ەكەنىن سەزدىرىپتى. سونىمەن بىرگە جالپى وداق جۇ­مىسىن جەتىلدىرە ءتۇسۋ جونىندە دە كەڭ پىكىر الماسىلدى. وداققا قارايتىن 14 وبلىستىق قۇرىلىم­عا بولىمشە, ال استاناداعىعا فيليال مارتەبەسىن زاڭداستىرۋ قا­جەتتىگى, سوندا باسقارۋ جاعى قو­لايلى ءارى ءتيىمدى بولا تۇسەتىنى جونىندە دە پىكىر ءبىلدىرىلدى. بۇل ۇسىنىس كەلەشەكتە قولداۋعا تۇ­رارلىق دەپ ماقۇلداندى. استانا فيليالىنىڭ جاڭا باس­شىسى ۇمىتكەرىنە  دارىندى اقىن, ەلورداداعى س.سەيفۋللين اتىن­داعى مۇراجايدىڭ ديرەك­تو­رى نەسىپبەك ايت ۇلى ۇسىنىلىپ, ول ءبىراۋىزدان سايلاندى. جوعارىداعى شىعىپ سويلەگەن شەشەندەر مەن ودان كەيىن ءسوز ال­عان قالامگەرلەر ن.ايت ۇلىنىڭ ىسكەرلىگىن, ادامدارمەن ءتىل تابى­سىپ جۇمىس ىستەي الاتىنىن, بۇل قىز­مەتكە ۇلكەن ومىرلىك ءتاجى­ري­بەمەن كەلگەنىن ۇلگى ەتىپ ايتىپ, ونىڭ الداعى ۋاقىتتا استانالىق قالام­گەرلەردى ماقساتتى ىستەرگە جۇ­مىل­دىرا الاتىنىنا زور ءۇمىت ارتتى. قورىتا ايتقاندا, ەل تاۋەل­سىزدىگىنىڭ 20 جىلىندا قازاقستان جازۋشىلار وداعى تولىمدى تابىس­تارعا جەتكەنى بەلگىلى. ەندى ونىڭ ىرگەلى تىرەگى بولىپ ەسەپتەلەتىن  اس­تانا فيليالىنىڭ جاڭا باس­شى­لىعى قول جەتكەن وسىنداي ورتاق يگىلىكتى ودان ءارى باياندى ەتۋ ءۇشىن كۇش-جىگەرىن ايامايتى­نىنا نەسىپبەك ايت ۇلى سەندىرە سويلەدى. قايسار ءالىم. استانا.