كەشە سەنات توراعاسىنىڭ ورىنباسارى مۇحامبەت كوپەەۆ بانگلادەش رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مۇحامماد يمرانمەن كەزدەستى, دەپ حابارلادى سەناتتىڭ ءباسپاسوز قىزمەتى.
م.كوپەەۆ م.يمراندى ەلشى لاۋازىمىنا تاعايىندالۋىمەن قۇتتىقتادى جانە وعان ەلىمىزدەگى ديپلوماتيالىق قىزمەتىن تابىستى اتقارۋىنا تىلەكتەستىگىن ءبىلدىردى.
«قازاقستان بانگلادەشپەن تەڭ قۇقىقتى ارىپتەستىكتىڭ بارلىق باعىتتارى بويىنشا ءوزارا ءتيىمدى ىنتىماقتاستىقتى, ونىڭ ىشىندە پارلامەنتارالىق دەڭگەيدەگى ءۇنقاتىسۋدى دامىتۋعا ءازىر», – دەدى توراعا ورىنباسارى. م.كوپەەۆ اتاپ وتكەندەي, «ءبىزدىڭ ەلىمىز ازيا مەملەكەتتەرىمەن دوستىق بايلانىستاردى نىعايتۋعا جانە ءوزارا جان-جاقتى ءىس-قيمىلعا زور ءمان بەرەدى».
كەزدەسۋ بارىسىندا حالىقارالىق ۇيىمدار اياسىنداعى ىنتىماقتاستىقتى دامىتۋ ماسەلەلەرى تالقىلاندى. م.كوپەەۆ بانگلادەشتىڭ يسلام كونفەرەنتسياسى ۇيىمىنا بەلسەندى تۇردە قاتىسىپ كەلە جاتقانىن جوعارى باعالادى جانە يكۇ-عا مۇشە ەلدەر سىرتقى ىستەر مينيسترلەرى كەڭەسىنىڭ 38-وتىرىسىن بيىلعى 28-30 ماۋسىمدا استانادا وتكىزۋ تۋرالى قازاقستاندىق باستامانى قولداعانى ءۇشىن بانگلادەش باسشىلىعىنا ريزاشىلىعىن ءبىلدىردى.
توراعا ورىنباسارى, سونداي-اق ازياداعى ءوزارا ءىس-قيمىل جانە سەنىم شارالارى جونىندەگى كەڭەس قىزمەتىن دامىتۋعا بانگلادەش جاعىنىڭ قاتىسقانىن اتاپ ءوتتى. بانگلادەشتىڭ بۇل فورۋمدا بايقاۋشى مارتەبەسى بار. كەزدەسۋ بارىسىندا تاراپتار ساۋدا-ەكونوميكالىق بايلانىستاردى دامىتۋ جايىندا ايتتى جانە ەكى ەلدىڭ رىنوكتارىن, ءوزارا ءتيىمدى ىنتىماقتاستىعىنىڭ كەلەشەگى زور باعىتتارىن زەردەلەۋ قاجەتتىگىن اتاپ ءوتتى.
م.يمراننىڭ ايتۋىنشا, قازاقستاندا دا, بانگلادەشتە دە ساياسي جانە ەكونوميكالىق بايلانىستاردى دامىتۋعا زور مۇمكىندىكتەر بار. ەكىجاقتى قاتىناستاردى نىعايتۋداعى پارلامەنتتەردىڭ ءرولدەرىن اتاپ وتە كەلىپ, ديپلومات ىنتىماقتاستىقتىڭ پارلامەنتتىك توپتارىن قۇرۋدى جاقتايتىنىن ءبىلدىردى.