سەنىم گراموتالارىن قابىلدادى

اقوردادا قازاقستان رەسپۋب­ليكاسىنىڭ مەملەكەتتىك حات­شى­سى قانات ساۋداباەۆ ەلىمىزدەگى مەكسيكا, زامبيا, ۆەنە­سۋەلا, بانگلادەش ەلشىلەرىنەن سەنىم گراموتالارىن قابىل­دادى. مەكسيكا ەلشىسى حايمە گارسيا امارال مەن بوليۆيالىق ۆەنە­سۋە­لا ەلشىسى داۆيد نيەۆەس ۆەلاسكوزدان سەنىم گرا­مو­تالارىن قا­بىلداعان مەملەكەتتىك حاتشى ەكىجاقتى كەزدەسۋلەر بارىسىندا قازاق­ستان­نىڭ لاتىن امەريكاسى قۇرلى­عىن­داعى ەلدەرمەن ساياسي, ساۋدا-ەكو­نو­مي­كا­لىق جانە مادەني سالالاردا ىنتىماق­تاس­تىق ورنا­تۋعا قىزىعۋشىلىق تانى­تىل­عا­نىن ايتسا, مۇحيتتىڭ ار جاعىنان كەلگەن ەلشىلەر ىنتىماقتاس­تىق­تى قاي سالادا دا ورىستەتۋگە پەيىلدى ەكەندىكتەرىن ءبىلدىردى. مۇنان سوڭ مەملەكەتتىك حات­شى زامبيا رەسپۋبليكاسىنىڭ ەلشىسى پاتريك نايلوبي سينينزادان, گانا رەس­پۋب­لي­كا­سىنىڭ ەلشىسى سەت كورناتەنگ پەن بانگلادەش حالىق رەسپۋبليكاسىنىڭ ەلشىسى مۇحامماد يمراننان سەنىم گرامو­تا­لارىن قابىلداپ, ولارمەن وتكىزگەن ەكى­جاقتى كەزدەسۋلەرىندە ەلدەر اراسىنداعى قارىم-قاتى­ناستاردى دامىتۋمەن بىرگە, ءوڭىر­لىك جانە حالىقارالىق ۇيىمدار شەڭبەرىندە ءوزارا ءىس-قيمىلداردى ءورىس­تەتۋ ماسەلەلەرى ءسوز بولدى. كەزدەسۋلەر بارىسىندا تاراپتار جوعا­رى­دا اتالعان ەلدەردە بو­لا­شاقتا ديپلو­ما­تيا­لىق وكىلدىك­تەر اشۋ جايىن دا اڭگىمە ەتتى. انار تولەۋحانقىزى.