ۇيىمداستىرا بىلگەننىڭ ۇتارى كوپ

وتكەن جىلدىڭ قۋاڭشى­لى­عىن ۇمىتا قويماعان ءسولتۇس­تىك­قازاقستاندىق ديقاندار  كوك­تەم­گى دالا جۇمىستارىنا بىلەك سىبانا كىرىسىپ, ىلعال ساقتاۋعا ەرەكشە ءمان بەردى. ونىڭ ۇستىنە  استىق كولەمى ءبىرشاما ۇلعاي­تى­لىپ, 4 ميلليون 532 مىڭ گەك­تارعا جەتكىزىلىپ وتىر. 1,5 ميلليون گەكتار سۇدىگەردىڭ جىر­تى­لۋى, 2 ميلليون گەكتار جەرگە قار توقتاتىلۋى, ارامشوپتەردى جويۋ ماقساتىمەن 436 مىڭ گەكتار القاپقا بىرنەشە ءىزدى وڭدەۋ جۇرگىزىلۋى – مۇنىڭ ءبارى 3,3 ميلليون گەكتار ەگىستىككە ىلعال ساقتاۋ تەحنولوگياسىن قول­دانۋ­عا مۇمكىندىك بەرەتىن بولادى. وبلىستىق اۋىل شارۋاشىلىعى باسقارماسىنىڭ ماماندارى بەرگەن مالىمەتتەرگە قاراعاندا, قا­جەتتى 546 مىڭ توننا تۇقىم سەبۋ كونديتسياسىنا جەتكىزىلگەن. جا­نار-جاعارمايدىڭ 70 پايىزدان استامى اكەلىنگەن. بۇگىندە كارتوپ وتىرعىزۋ اياقتالىپ, مايلى دا­قىل­دار سەبۋ بەل ورتادان اۋعان. ءداندى داقىلدار تۇقىمىن ءسىڭىرۋ دە قارقىندى جۇرگىزىلۋدە. ەسىل, م.جۇماباەۆ, قىزىلجار اۋدان­دا­رى جارىس كوشىن باستاپ كەلەدى. اۋىل شارۋاشىلىعى ءمينيسترى  اسىلجان  مامىتبەكوۆتىڭ قىزىلجار وڭىرىندەگى العاشقى جۇ­مىس ساپارى جاۋاپتى ناۋقان­نىڭ قىزعان ساتىمەن تۇسپا-تۇس كەلدى. ول الدىمەن شالعايداعى ع.مۇسىرەپوۆ اۋدانىنا اتباسىن تىرەپ,  كوكتەمگى ەگىس جۇمىس­تارى­نىڭ اتقارىلۋ بارىسىمەن تانىستى. اگروقۇرىلىم جەتەكشىلەرىمەن كەزدەسىپ, اۋىل شا­رۋاشىلىعىنا قاتىستى ماسە­لە­لەر بويىنشا پىكىرلەر الىستى. ع.مۇسىرەپوۆ – ايماقتاعى ەڭ ءىرى استىقتى اۋدان سانالادى. ەگىستىك القاپ 733 مىڭ گەكتاردى قۇراسا, سولاردىڭ 40 پايىزىنا ءدان سىڭىرىلگەن. ىلعال ساقتاۋ تەحنولوگيالارىنىڭ 80 پايىزى  وسى زامانعى تەحنيكالارمەن ات­قارىلادى. مينيستر «ۆەست» جشس-ءنىڭ ەگىس تاناپتارىن ارالاپ, ساپا ماسەلەسىنە باسا نازار اۋداردى. شارۋاشىلىق ديرەك­تو­رى سامات  تاسماعانبەتوۆ 20 مىڭ گەكتار القاپقا استىق ءوسى­رىلەتىنىن, 9 سەبۋ كەشەنى مەن 8 «ك-700» تراكتورى جۇمىس ىستەپ جاتقانىن, بيىل ىلعالدىڭ  مول­دىعىن اڭگىمەلەپ بەردى. بىلتىرعى قۋاڭشىلىقتىڭ قاتتى اسەر ەتكەنىن جاسىرعان جوق. ەل تاۋەلسىزدىگىنىڭ مەرەيلى تويى قار­ساڭىندا وتانىمىزدى مول اس­تىق­پەن قۋانتۋعا بەل بايلاپ وتىر­مىز. قازىرگى جاعدايعا قارا­عاندا سەنىم مول, دەدى س.تاس­ما­عانبەتوۆ. ا.مامىتبەكوۆ «نەجينكا-ەركە» سەرىك­تەس­تىگىنىڭ قىرمانىندا بولىپ, تۇقىم دارىلەۋ بارىسىمەن تا­نىس­تى.  ديقانداردىڭ جانار-جاعا­ر­مايعا بايلانىستى قويعان ساۋال­دارىنا جاۋاپ بەرە كەلىپ, 354 مىڭ توننا ديزەل وتىنى  بەلگىلەنگەن باعامەن بەرىلگەنىن, الايدا  بىرقاتار تاۋار ءوندىرۋشى­لەر اي­نالىم قارجى جوقتىعىنان  كەستەدەن قالىپ قويعانىن, قازىر جاعدايدىڭ رەتتەلگەنىن, سول­تۇس­تىك قازاقستان وبلىسىنا  3 ميلليارد تەڭگە قارجى بوساتىل­عا­نىن, مينەرالدى تىڭايتقىشتار بوي­ىنشا دا  پروبلەما بولماي­تى­نىن جەتكىزدى. وبلىس اكىمى سەرىك ءبىلالوۆ  كوكتەمگى  ەگىس ناۋ­قانىن وتكىزۋگە ۇكىمەت تاراپىنان بارلىق مۇمكىندىكتىڭ جاسالىپ وتىرعانىن, ازىق-ت ۇلىك كەلىسىم-شارت كورپو­راتسياسى ارقىلى 4  ميل­ليارد تەڭگە بولىنگەنىن, ال تۇ­تى­نۋشىلار كووپەراتيۆتەرى ار­قى­لى 2 ميلليارد تەڭگە قاراس­تى­رىلعانىن جينالعان­دار نازارىنا سالدى. مينيستر ا.مامىتبەكوۆ  نوۆويشيم  اۋىلدىق وكرۋگىندە ور­نا­لاس­قان «الىشەر» فەرمەرلىك شا­رۋاشىلىعىندا, قىزىلجار اۋدا­نىنداعى «زەنچەنكو ي ك» كومانديتتىك سەرىكتەستىگىندە بولدى. باق وكىلدەرىنە بەرگەن سۇحبا­تىندا  تەرىسكەي وڭىرلەردە كوكتەمگى ەگىس جۇمىستارىنىڭ  ۇيىمشىلدىقپەن اتقارىلىپ جاتقانىن اتاپ كورسەتتى. ءومىر ەسقالي. سولتۇستىك قازاقستان وبلىسى.