سەنات بيۋروسىنىڭ كەزەكتى وتىرىسى

23 مامىردا قايرات ءماميدىڭ توراعالىق ەتۋىمەن بولعان پارلامەنت سەناتى بيۋروسىنىڭ وتىرىسىندا پارلامەنت ماجىلىسىندە ماقۇلدانعان زاڭ جوبالارى پالاتا كوميتەتتەرىنە ءبولىنىپ بەرىلدى, دەپ حابارلادى سەناتتىڭ ءباسپاسوز قىزمەتى. بيۋرو وتىرىسىندا «تابيعي مو­نوپوليالار جانە رەتتەلەتىن نارىقتار تۋرالى» زاڭعا وزگەرىس ەنگىزۋ تۋرالى», «مۇناي ءونىم­دە­رىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ تۋرالى», سونداي-اق «تاريفتىك ساياسات نەگىزدەرىن قوسا العاندا, تەمىر جول كولىگىنىڭ قىزمەتتەرىنە قول جەتكىزۋدى رەتتەۋ تۋرالى كەلىسىمدى راتيفيكاتسيالاۋ تۋرالى», «بەلارۋس رەس­پۋب­ليكاسىنداعى, قازاقستان رەس­پۋب­لي­كاسىنداعى جانە رەسەي فەدەرا­تسيا­سىنداعى تەحنيكالىق رەتتەۋ­دىڭ بىرىڭعاي قاعيداتتارى مەن قاعيدالارى تۋرالى كەلىسىمدى راتيفيكاتسيالاۋ تۋرالى» زاڭ جوبا­لارى ەكونوميكالىق جانە وڭىرلىك ساياسات كوميتەتىنە بەرىلدى. «ءۇشىنشى مەملەكەتتەردەن كەلگەن زاڭسىز ەڭبەك كوشى-قونىنا قار­سى ءىس-قيمىل جونىندەگى ىنتى­ماق­تاستىق تۋرالى كەلىسىمدى راتيفيكاتسيالاۋ تۋرالى», «كوشىپ-قونۋشى ەڭبەكشىلەر مەن ولاردىڭ وتباسى مۇشەلەرىنىڭ قۇقىقتىق مارتەبەسى تۋرالى كەلىسىمدى راتيفيكاتسيالاۋ تۋرالى» زاڭ جوبا­لا­رى ودان ءارى زەردەلەۋ ءۇشىن الەۋ­مەتتىك-مادەني دامۋ كوميتەتىنە بەرىلدى. «قازاقستان رەسپۋبليكاسى مەن سولتۇستىك اتلانت شارتى ۇيىمى اراسىنداعى اۋعانستانداعى قاۋىپ­­سىزدىككە جاردەمدەسۋ حا­لىقارا­لىق كۇشتەرىنىڭ قىزمەتىنە قاتىسۋ تۋرالى نوتالار الماسۋ نىسا­نىن­داعى كەلىسىمدى راتيفيكاتسيالاۋ تۋرالى» زاڭ جوباسى بويىنشا حا­لىقارالىق قاتىناستار, قورعا­نىس جانە قاۋىپسىزدىك كوميتەتى نەگىزگى كوميتەت بولىپ بەلگىلەندى. زاڭناما جانە قۇقىقتىق ءما­سەلەلەر كوميتەتىنە ەلىمىزدىڭ كون­­ستيتۋتسيالىق كەڭەسىنىڭ ءمۇ­شە­سى قىزمەتىنە تاعايىنداۋ تۋ­رالى ءما­سە­لەنى قاراۋعا ازىرلەۋ تاپسى­رىلدى. بيۋرو وتىرىسىندا سونداي-اق پالاتانىڭ 26 مامىردا بولاتىن كەزەكتى جالپى وتىرىسىنىڭ كۇن ءتارتىبىن بەلگىلەۋ تۋرالى كومي­تەت­تەردىڭ ۇسىنىستارى دا تالقىلاندى. جالپى وتىرىستا سەناتورلار سونداي-اق «قازاقستان رەسپۋبلي­كا­سىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋ­را­لى» زاڭ جوباسى بويىنشا قۇ­رىلاتىن كەلىسۋ كوميسسياسىنىڭ قۇرامىنا ءوز ارىپتەستەرىن سا­ي­لايتىن بولدى.