«قازاقستان تەمىر جولى» ۇك» اق ۇلى وتان سوعىسى ارداگەرلەرى مەن مۇگەدەكتەرىنە پويىزدا تەگىن جۇرۋگە جاعداي جاساۋعا شەشىم قابىلدادى.
«قازاقستان تەمىر جولى» ۇك» اق ۇلى جەڭىستىڭ 66 جىلدىعىنا وراي 2011 جىلعى مامىردىڭ 1-30 ارالىعىندا ۇلى وتان سوعىسى ارداگەرلەرى مەن مۇگەدەكتەرىنە جولاۋشىلار پويىزدارىندا تەگىن جۇرۋگە مۇمكىندىك اپەرۋ اكتسياسىن ۇيىمداستىرىپ وتىر.
سوعىس ارداگەرلەرى مەن مۇگەدەكتەرى ءبىر اي بويى قازاقستان رەسپۋبليكاسى مەن تمد ەلدەرى اۋماعىندا تەگىن جۇرە الادى. تاۋەلسىز مەملەكەتتەر دوستاستىعى ەلدەرىنە شىققان ساپارلارىندا ولار بارۋ-قايتۋ بيلەتتەرىن بىرگە رەسىمدەۋى ءتيىس.
مەرەكەلىك اكتسيا اياسىندا ارداگەرلەر بارۋ-قايتۋ نۇكتەلەرىنە دەيىن پويىزداردىڭ بارلىق كاتەگوريالارى مەن باعدارلارىندا, سونىمەن قاتار قالاارالىق پويىزداردا دا كۋپەلىك ۆاگوندارىمەن جۇرەدى. اتاپ ءوتۋ كەرەك, بۇل اكتسيا «تالگو» پويىزىمەن جۇرۋگە ىقپال ەتپەيدى.
ارداگەرلەر تەگىن بيلەتتى تەمىر جول كاسسالارىنان الا الادى. وزدەرىمەن بىرگە جەكە كۋالىكتەرى, ۇلى وتان سوعىسى ارداگەرى نەمەسە مۇگەدەگى تۋرالى كۋالىگىنىڭ ءتۇپنۇسقاسى مەن كوشىرمەسى بولۋى ءتيىس.
اكتسيا وتكىزۋ تۇرعىسىنداعى بارلىق اقپاراتتاردى «جولاۋشىلار تاسىمالى» اق-تىڭ تەمىر جول كاسسالارى مەن تاۋلىك بويى جۇمىس ىستەيتىن 105-ءشى انىقتاما تەلەفوندارىنان الۋعا بولادى.
ەسكەندىر ەرتاي.
استانا.