استانادا وتكەن تاۋەلسىزدىكتىڭ 20 جىلدىعىنا ارنالعان رەسپۋبليكالىق ۇلتتىق تەاترلار فەستيۆالى ءوز مارەسىنە جەتتى
«قازاقستان حالقى اسسامبلەياسىنىڭ ءحVىىى سەسسياسىندا ەلباسى نۇرسۇلتان ءابىش ۇلى ايتقانداي, ەلىمىزدە بەيبىتشىلىك پەن كەلىسىمنىڭ تۇراقتى ورناعاندىعىن وسى فەستيۆال دالەلدەي تۇسكەندەي. ءۇش كۇنگە سوزىلعان فەستيۆالگە قاتىسۋشى ۇجىمدار جوعارى دەڭگەيدەگى ونەردىڭ بيىك شىڭىن كورسەتە ءبىلدى. ماسەلەن, قاليبەك قۋانىشباەۆ اتىنداعى قازاق مۋزىكالىق دراما تەاترى «كەنەسارى – كۇنىمجان» قويىلىمى ارقىلى كورەرمەنگە ماحاببات اتموسفەراسىن كوركەم جەتكىزە بىلسە, نەمىس جانە وزبەك تەاترلارى وزدەرىنىڭ كوشتەن قالماي, ونەرلەرىن ودان ءارى شىڭدايتىندىقتارىن دالەلدەي تۇسكەنى انىق. ولاي بولسا, ونەر بايقاۋىنىڭ بارلىق قاتىسۋشىلارىنا جاڭا شىعارماشىلىق شابىت تىلەيمىز», – دەدى مادەنيەت ۆيتسە-ءمينيسترى اسقار بورىباەۆ فەستيۆالدىڭ جابىلۋ سالتاناتىندا.
قازاقستان حالقى اسسامبلەياسىنىڭ ءحVى سەسسياسىندا مەملەكەت باسشىسىنىڭ بەرگەن تاپسىرماسىنا وراي قحا-نىڭ قولداۋىمەن, مادەنيەت مينيسترلىگىنىڭ ۇيىتقى بولۋىمەن وتكەن ونەر سايىسىندا ەلىمىزدەگى كوشباسشى مادەنيەت وشاقتارى قازاقستان ۇلتتار تەاترى, قاليبەك قۋانىشباەۆ اتىنداعى قازاق مۋزىكالىق دراما تەاترى, ماكسيم گوركي اتىنداعى مەملەكەتتىك ورىس دراما تەاترى, ق.قوجامياروۆ اتىنداعى رەسپۋبليكالىق ۇيعىر مۋزىكالىق كومەديا تەاترى, رەسپۋبليكالىق كورەي مۋزىكالىق كومەديا تەاترى, سونداي-اق نەمىس جانە وڭتۇستىك قازاقستان وبلىستىق وزبەك دراما تەاترلارى قازىلار القاسىنىڭ نازارىنا وتاندىق دراماتۋرگتەردىڭ ۇزدىك تۋىندىلارىن ۇسىندى.
الداعى ۋاقىتتا جۇيەلى ءوتكىزىلىپ تۇراتىن بولادى دەپ جوسپارلانىپ وتىرعان فەستيۆالدىڭ باستى ماقساتى – ەلىمىزدىڭ ءارتۇرلى مادەنيەتى مەن ءتىلىن ساقتاپ قالۋ, مادەنيەتتى ءوزارا بايىتۋ, ەتنوسارالىق توزىمدىكتى نىعايتۋ, قازاقستان حالقىنىڭ ءمادەنيەتارالىق كەلىسىمىن ودان ءارى دامىتۋ بولىپ تابىلاتىنىن دا ايتا كەتكەن ءجون.
ءۇش كۇنگە جالعاسقان بايقاۋ ناتيجەسىندە «ۇزدىك سپەكتاكل» جۇلدەسىمەن ي.زايىروۆتىڭ «قارىز» پەساسىن ساحنالاعان وڭتۇستىك قازاقستان وبلىستىق وزبەك دراما تەاترى, «ۇزدىك رەجيسسەرلىك شەشىم» جۇلدەسىمەن س.مروەكتىڭ «سۆوبودا» تۋىندىسىن ساحنالاعان رەسپۋبليكالىق نەمىس دراما تەاترىنىڭ رەجيسسەرى يرينا سيمونوۆا ماراپاتتالسا, د.رامازاننىڭ «كەنەسارى-كۇنىمجان» پەساسىن ساحنالاعان ق.قۋانىشباەۆ اتىنداعى قازاق مۋزىكالىق دراما تەاترى مەن ءا.ورازبەكوۆتىڭ «ءبىر ءتۇپ الما اعاشى» قويىلىمىن كورسەتكەن م.گوركي اتىنداعى مەملەكەتتىك ورىس دراما تەاترى «ەڭ ۇزدىك ۇلتتىق اۆتورلارىنىڭ دراماتۋرگياسى» ءۇشىن جۇلدەسىن السا, د.يسابەكوۆتىڭ «باقىت قۇسى» قويىلىمى ءۇشىن «ەڭ ۇزدىك تەاتر دەبيۋتى» ءجۇلدەسىن قازاقستان ۇلتتار تەاترى, تحاي ديان چۋننىڭ «حىن بۋ مەن نول بۋ» قويىلىمى ءۇشىن «كورەرمەندەر كوزايىمى» ءجۇلدەسىن مەملەكەتتىك رەسپۋبليكالىق كورەي مۋزىكالىق كومەديا تەاترى جەڭىپ الدى. ال «ەڭ ۇزدىك ايەل ادام بەينەسى» ءجۇلدەسىن وقو وزبەك دراما تەاترىنىڭ ءارتىسى ديلفۋزا يبراگيمجانوۆا, «ەڭ ۇزدىك ەر ادام بەينەسى» جۇلدەسىن ق.قۋانىشباەۆ اتىنداعى قازاق مۋزىكالىق دراما تەاترىنىڭ ءارتىسى سىرىم قاشقاباەۆ الدى.
فەستيۆالدىڭ قورىتىندى كەزەڭىندە قازاقستان حالقى اسسامبلەياسى توراعاسىنىڭ ورىنباسارى ەرالى توعجانوۆ ءسوز سويلەپ, ك.بايسەيىتوۆا اتىنداعى ۇلتتىق وپەرا جانە بالەت تەاترىنىڭ ۇجىمى ساحنا تورىندە ونەر كورسەتتى.
جۇلدىز ءبايدىلدا.